WBA-ын хүнд жингийн дэлхийн аварга Дэвид Хэй өнгөрөгч бямба гаригт Манчестер хотноо аваргын бүсээ хамгаалах анхны тулаанаа хийж, Жон Руизийг буулган авсан билээ. Харин түүний дараагийн зорилго нь WBC-гийн дэлхийн аварга Виталий Кличко эсвэл түүний төрсөн дүү, WBO, IBF, IBO-ын хүнд жингийн дэлхийн аварга Владимир Кличко нарын нэгтэй нь тулалдаж, дэлхийн аваргын бүсээ төрөлжүүлэх явдал гэнэ. Тэрбээр энэ талаар “Дэлхийн аваргын бусад бүсийг эзэмшиж, ангиллаа төрөлжүүлэхийг хүсч байна. Хэрэв би Жон Руизийг цохисон шиг Кличкогийн ах дүүсийг нам цохивол тэр хоёр гүйцээ л гэсэн үг. Энэ жилдээ багтааж, 10 эсвэл 11-р сард тулалдана. Харин тулалдах хүн нь Кличкогийн ах дүүсийн нэг нь байх болно. Үүнд эргэлзэх хэрэггүй” гэжээ.

С.Цэлмэг