Дагестаны Кизляр хотод террор үйлдсэн амиа золиослогч нарын нэгийх нь нэр хаягийг тогтоожээ. Цуврал дэлбэрэлт үйлдэгсдийн нэгний нэр алдарыг тогтоосон гэж Дагестаны тэргүүн Магомедсалам Магомедовт хүчнийхэн илтгэсэн байна. Хоёр дахь дэлбэрэлтийг нутгийн оршин суугч  Дауд Жабраилов үйлджээ.
Гуравдугаар сарын 31-ний өглөө болсон хоёр дэлбэрэлтийн улмаас 12 хүн амиа алдан 27 хүн шархаджээ. Дэлбэрэлтийн долгион ойр хавийнх нь байрны цонхны шилийг хагалсан байна.