УИХ-ын Аюулгүй байдал, гадаад бодлогын байнгын хороо, УИХ-ын Хууль зүйн байнгын хороо, УИХ-ын Нийгмийн бодлого, боловсрол, соёл шинжлэх ухааны байнгын хороо өчигдөр хамтран хуралдахаар болж, Оюутолгой төслийн Техник эдийн засгийн үндэслэлийн талаар Эрдэс баялгийн мэргэжлийн зөвлөлөөс гаргасан дүгнэлтийн мэдээллийг сонсохоор гишүүд цугласны дараа УИХ-ын гишүүн Э.Мөнх-Очир хурлыг орхин гарах явцдаа бусаддаа хандан “Засгаа эхлээд захираад сурчих” гэж агсагнав.  Засгийн газрын хуралдаанаар Оюутолгойн хөрөнгө оруулалтын гэрээг хуульд заасан хугацаа дуусахаас урьтаж, баталгаажуулсан нь ийнхүү бухимдлыг нь төрүүлсэн бололтой. Тэрбээр Оюутолгойн хөрөнгө оруулалтын гэрээ УИХ-ын 40, 57 дугаар тогтоолыг тус бүр зөрчсөн хэмээн үзэж буй 13 гишүүний нэг нь юм.