Монголын компаниуд хөгжиж дан ганц дотоодынхоо хөрөнгийн зах зээл дээрээс биш олон улсын хөрөнгийн зах зээл дээрээс хөрөнгө оруулалт татах цаг улам ойртсоор байгаа. Энэ удаа дэлхийн хамгийн том хөрөнгийн зах зээл Нью-Йоркийн хөрөнгийн биржид бүртгүүлж, хувьцаа, бонд гаргаж дэлхийн зах зээл дээр гарахын тулд Монголын компаниуд ямар стандарт хангасан байх ёстой тухай мэдээллээс танилцуулъя.

Нью-Йоркийн хөрөнгийн бирж нь АНУ-ын болон АНУ-ын бус гадаадын компаниудыг бүртгэж, бонд, хувьцаа болон бусад үнэт цаас, хөрөнгө оруулалтын арилжаа хийдэг. Шалгуурт хувьцаа эзэмшигчийн тоо болон бусад санхүүгийн шалгуурууд багтдаг.

Хувьцааны хувьд.

Нийт хувьцаа эзэмшигчийн тоо:                5,000
Олон нийтэд гаргаж байгаа хувьцааны тоо:        2,5 сая ширхэг
Олон нийтийн хувьцааны зах зээл:            100 сая ам.доллар
Санхүүгийн хувьд.
Сүүлийн гурван жилийн татварын өмнөх нийт орлого:     100 сая ам.доллар
Сүүлийн хоёр жилийн татварын өмнөх орлого:        25 сая ам.доллар
Дараах хоёр ангилалын  аль нэгийг сонгоно:

А.

Дэлхийн зах зээл дээрх хөрөнгө таталт:        500 сая ам.доллар
Сүүлийн 12 сарын орлого:                100 сая ам.доллар
Сүүлийн гурван жилийн мөнгөн урсгал:        100 сая ам.доллар
Сүүлийн хоёр жилийн мөнгөн урсгал тус бүр:        25 сая ам.доллар

Б.

Дэлхийн зах зээл дээрх хөрөнгө таталт:        750 сая ам.доллар
Сүүлийн санхүүгийн жилийн орлого:            75 сая ам.доллар

Дээрх шалгуур нь зөвхөн үнэлгээний эхний шатны ерөнхий мэдээлэл. Уг ерөнхий шалгуурыг хангаж байна гэж үзсэн компани Нью-Йоркийн хөрөнгийн биржтэй холбоо барин, шалгууруудыг нарийвчлан тодруулж бичиг баримтаа явуулж бүртгүүлэх боломжтой.

Т.Бадрах