Ерөнхий сайд хамгийн сүүлчийн шилжүүлгээ энэ сарын 17-ны өдөр хийсэн байв. The Daily Mail сонинд тэмдэглэснээр Сорчинеллийн үйлчилгээг авахад нь  ерөнхий сайдад ээлжит дуулиан нь сааад болсонгүй аж.

Италийн загвар өмсөгч, орон нутгийн нэгэн сувагт цаг уурын мэдээ хөтлөгч Алессандра Сорчинелли (Alessandra Sorcinelli)  зохион байгуулсан үдэшлэгт нь тогтмол оролцож байсныхаа төлөө ерөнхий сайд Сильвио Берлусконигаас 117 мянган евро авч байжээ гэж The Daily Mail сонин энэ сарын 24-ний дугаартаа бичжээ.

Хорин зургаан настай тэр бүсгүй ерөнхий сайдаас мөнгөн шагнал авч байсан нь сэтгүүлчдийн олж авсан банкны бичиг баримтаас тодорхой болов. Эдгээр баримтын дагуу Сорчинелли Берлусконийн “асрамжид”  2010 оноос хойш байсан ба тэрээр сар бүр 10 мянган евроны “цалинтай” байсан аж.

Үүний зэрэгцээ сэтгүүлчдэд ерөн­­хий сайдын туслах Жузеппе Спинеллитай (Giuseppe Spinelli) Сорчинеллийн харилцаж байсан захидлын хэсгээс олдсон байна. SMS-ээр тэр эмэгтэй ерөнхий сайдын амласан 10 мянган еврог хүлээж байна гэж бичсэн байлаа.

Ерөнхий сайд хамгийн сүүлчийн шилжүүлгээ энэ сарын 17-ны өдөр хийсэн байв. The Daily Mail сонинд тэмдэглэснээр Сорчинеллийн үйл­чил­гээг авахад нь  ерөнхий сайдад ээл­жит дуулиан нь саад болсонгүй аж.

Нэгдүгээр сарын дундуур Ита­лийн ерөнхий сайд биеэ үнэлэлтэд насанд хүрээгүй охидыг уруу татсан гэх ээлжит дуулианаар мөрдөн байцаалтад орсон юм. Гол шалтгаан нь Мароккогоос ирсэн 17 настай бүжигчин Карима Эль-Маруг (Karima El Mahroug) буюу Руби нэрээр алдартай болсон эмэгтэйн гомдлоос бол­жээ. Бүсгүйг оршин суух эрх байхгүй гэж саатуулсны дараа тэрээр Италийн ерөнхий сайдтай холбоотой гэдгээ ил гаргахаар шийдсэн юм.

Алессандра Сорчинелли. Фото:  manilanet.net

Эхлээд Руби мэдэгдэхдээ Бер­лус­кони түүнийг үдэшлэгтээ урьж байсан гээд нэг удаа түүнтэй сексийн харьцаанд орсон гэжээ. Хожим тэрээр ерөнхий сайдтай секс хийсэн гэдгээсээ татгалзаад харин түүний өргөөнд зохион байгуулагддаг цэнгээнд нь  ирдэг байсан гэсэн байлаа. Одоо 18 хүрсэн Карима ярихдаа нэгэн удаа ерөнхийлөгч түүнд 7000  евро өгсөн гэхдээ ямар нэгэн шаардлага  хариуд нь нэхээгүй гэжээ.

Тэмдэглэхэд, ерөнхий сайдыг албан тушаалаа урвуулан ашиг­ласан гэж яллаж магадгүй. Бичиг баримгүй Эль-Маругийг сулла гэж Берлускони цагдаад утасдаад шаардсан гэж ярьж байгаа.

Эмэгтэй хүний гоо үзэсгэлэнг бишэрдэг гэдгээ өөрөө хүлээн зөвшөөрдөг ерөнхий сайд секс дуулианд нэг биш удаа орж байгаа юм. Түүнийг 2009 оны тавдугаар сард насанд хүрээгүй байсан загвар өмсөгч  Ноэми Летициятай  дотно харьцаанд ор­сон гэж сэжиглээд хэрэг нь нэг их мандаагүйгээр өнгөрсөн юм. Ер нь бол янз бүрийн хугацаанд  арваад эмэгтэйчүүд Берлусконитай сексийн холбоотой байсан гэж ярин дуулиан гаргаж байлаа. Тэр нь эцсийн эцэст эхнэр Вероника Лариог нь Берлусконигаас салах шийдвэр гаргахад хүргэсэн билээ.

Энэ үеэр Ромын католик шашны удирдлага Италийн ерөнхий сайдын ёс зүйгүй араншинд дургүйцлээ гаргасан байна. Ватиканы Төрийн нарийн бичгийн дарга түшээт  лам Тарзизио Бер­тоне, засгийн зүтгэлтнүүд ёс сур­тахууны эрүүл саруул амьдралтай байх ёстой гэж хэлсэн байна. “Нийгэмд хариуцлагатай тушаал эзэлж байгаа хүмүүс илүү их ёс суртахуун хэм хэмжээг ба­рин шударга ёс ба хуулиа дээд­лэх ёстой” гэж түшээт лам хэл­жээ. Берлусконийн хэр­гийг Вати­кан “машид анхаа­ралтайгаар, түгшүүртэйгээр” ажиг­лаж, ерөн­хийлөгч Жоржио Наполитаногийн хэлсэн түгшүүрийг хуваалцаж байна гэдээ ламтан мэдэгдсэн бай­на. Хэрэв католик шашин Бер­лусконийг буруутгах юм бол түүний карьер нэг мөр төгсөх юм.

Италийн ерөнхийлөгч Наполи­тано пүрэв гаригт хэлэхдээ нийг­мийн зүтгэлтнүүдээс өнөөгийн цаг үе “эрүүл саруул ухаан, хариуцлага” шаардаж байгаа  гэсэн юм. Тэрээр ерөнхий сайдад хан­дан мөрдөн байцаалтыг хур­дан дуусгах, прокуророос “зуг­тахгүй байхыг” уриалжээ. Ерөн­хийлөгчийн үг нь ерөнхий сайд телевизээр 10 минутын турш сэтгэлийн хөөрөлтэй хэлсэн үгийн дараа сонсогджээ. Берлускони мөр­дөн байцаалт нь Үндсэн хуулийг зөрчсөн дэгийн алдаатай гэсэн байлаа.