3,411.42
УИХ-ын Аюулгүй байдал, гадаад бодлогын байнгын хорооны хуралдаан өчигдөр 14.30 цагаас эхлэн хуралдах ёстой байсан ч ирц бүрдэхгүйгээс хойшилсон. Тус байнгын хорооны хуралдаанд дөрвөн ч сайд оролцох ёстой байсан ч Засгийн газрын ээлжит хуралдаанд суусан тул ийнхүү хойшилжээ. Тодруулбал, УИХ-ын гишүүн, Эрдэс баялаг эрчим хүчний сайд Д.Зоригт, УИХ-ын гишүүн, Сангийн сайд С.Баярцогт, Боловсрол, соёл, шинжлэх ухааны сайд Ё.Отгонбаяр, Зам, тээвэр, барилга хот байгуулалтын сайд Х.Баттулга нар суух ёстой байв.
УИХ-ын Аюулгүй байдал, гадаад бодлогын байнгын хорооны хуралдаанаар
Монгол Улсын Засгийн газар, ХБНГУ-ын Засгийн газар хооронд байгуулсан “Монголын ипотекийн зах зээлийг хөхиүлэн дэмжих төслийн зээлийн болон санхүүжилтийн зээлийн хэлэлцээр соёрхон батлах тухай” хуулийн төсөл хэлэлцэх эсэх, НҮБ-ын Эдийн засаг, нийгэм, соёлын эрхийн тухай олон улсын Пактын Нэмэлт протоколыг соёрхон батлах тухай хуулийн төслийн хэлэлцэх эсэхийг шийдвэрлэх ёстой. Гэвч гишүүдийн ирц бүрдээгүй байгаа тул байнгын хорооны хуралдааныг дахин зарлаагүй байна.
Монгол Улсын Засгийн газар, ХБНГУ-ын Засгийн газар хооронд байгуулсан “Монголын ипотекийн зах зээлийг хөхиүлэн дэмжих төслийн зээлийн болон санхүүжилтийн зээлийн хэлэлцээр соёрхон батлах тухай” хуулийн төсөл хэлэлцэх эсэх, НҮБ-ын Эдийн засаг, нийгэм, соёлын эрхийн тухай олон улсын Пактын Нэмэлт протоколыг соёрхон батлах тухай хуулийн төслийн хэлэлцэх эсэхийг шийдвэрлэх ёстой. Гэвч гишүүдийн ирц бүрдээгүй байгаа тул байнгын хорооны хуралдааныг дахин зарлаагүй байна.
Г.Дарь
