Мэргэжлийн боксын ертөнцөд нэр алдраа цуурайтуулж, ноёрхлоо тогтоосон Украйны ах дүү Кличкогийн хэн нэг нь WBO-ын дэлхийн хүнд жингийн аварга Британийн Дэвид Хэйтэй тулалдах талаар мэдээлэл гарч, мэргэжлийн тулааны спорт сонирхдог хүн бүрийн анхаарлын төвд байгаа билээ. Харин чухам нь Хэйтэй тулалдах вэ гэдгийг ах дүү хоёр зоос шидэж, шийдэхээр болсон гэнэ. Ирэх сарын 3-нд Дэвид Хэй WBO-ын аваргын бүсээ хамгаалахаар Жон Руизтэй тулалдах бөгөөд ялсан тохиолдолд WBC-гийн дэлхийн аварга Виталий болон түүний дүү WBO, IBO, IBF-ийн дэлхийн аваргын бүсийн эзэн Владимир нарын нэг нь Хэйтэй халз тулах юм. Тулааны тухайд Виталий “Бидний чухам хэн нь Хэйтэй тулалдахыг шийдэхэд хэцүү учир бид зоос шидэж асуудлаа шийдье гэж бодож байгаа” гэжээ.
Өнгөрөгч бямба гаригт Владимир Кличко Германы Дюссельдорф хотноо Эдди Чамберсийг нам цохиж, WBO болон IBF-ын бүсээ амжилттай хамгаалан бол түүний ах Виталий Кличко тавдугаар сарын 29-нд Европ тивийн аварга Альберт Сосновскийтой тулалдах учиртай юм. Харин Манчестерт болох Хэй, Руиз нарын тулааны тухайд Хэйн аваргын бүсээ хамгаалах анхны тулаан нь билээ.

С.Цэлмэг