Монгол Улсын Ерөнхийлөгч Ц.Элбэгдорж Баян-Өлгий аймагт ажиллахаар өнөөдөр мордлоо. Ерөнхийлөгч, тус аймгийн Өлгий хот, Буянт, Сагсай сумдад иргэдтэй уулзалт хийж, малчны хотонд очиж, хаваржилтын байдалтай газар дээр нь танилцах юм. Мөн Казах түмний баяр-Наурызын нээлтийн ажиллагаанд урилгаар оролцож, өндөр настан ахмадуудад хүндэтгэл үзүүлнэ. Ерөнхийлөгчийн томилолт гуравдугаар сарын 24 хүртэл үргэлжилнэ гэж Ерөнхийлөгчийн тамгын газрын Хэвлэл мэдээлэл, олон нийттэй харьцах албанаас мэдээллээ.