Ирэх долоо хоногт буюу энэ сарын 21-23-нд Ойн, Усны, Цаг уурын өдөр тохиох аж. Дэлхий нийтээрээ тэмдэглэж ирсэн энэхүү мэргэжлийн баярын өдрүүдийн хүрээнд Ойн газар, Усны хэрэг эрхлэх газар, Ус цаг уурын хүрээлэн олон ажлыг хийхээр төлөвлөж байгаа төдийгүй сэтгүүлчдийн дунд уран бүтээлийн уралдаан зарлахаар болжээ.
Энэ талаараа маргааш сэтгүүлчдэд мэдээлэл хийх юм байна. Байгаль орчин, аялал жуулчлалын яамны хурлын танхимд болох энэхүү хэвлэлийн бага хуралд тус яамны дэд сайд Ч.Жаргалсайхан, Төрийн нарийн бичгийн дарга Н.Батсуурь, Ойн газрын дарга М.Тунгалаг, Ус цаг уур, орчны шинжилгээний газрын дарга С.Энхтүвшин нар оролцоно.