Монгол улсын оюутны аварга шалгаруулах тэмцээнийг энэ жил спортын есөн төрлөөр зохион байгуулж байгаа билээ. Тэмцээний нэгдсэн заавар, хуваарийн дагуу оюутны улсын аварга шалгаруулах волейболын тэмцээн энэ сарын 9-14-ний өдрүүдэд МУИС-ийн ЭЗС-ийн спорт зааланд болсон юм. Тэмцээнийг волейболын спортын мастер Д.Гансүхээр ахлуулсан шүүгчдийн бүрэлдэхүүнтэй баг шүүн ажилласан ба ШУТИС, ЭМШУИС, МУБИС, МУИС, ХААИС, ХААИС Инженер механикийн сургууль , СЭЗДС, ИЗИС, ҮБТДС, Мон-Алтиус БТДС, Орхон ИС, Дархан ХААИС, УБДС, Барилгийн коллеж зэрэг эрэгтэй 14, эмэгтэй 13 багийн 270  гаруй тамирчид оролцсон юм.
“Enocoree” компанийн “Амин бүрд” клубээс тус тэмцээний үеэр өсөх ирээдүйтэй тамирчныг шагнаж урамшуулсан бөгөөд тэд ХААИС-ийн оюутан н.Эрдэнэбилэг, МУИС-ийн оюутан Э.Мөнхшүр  нарыг шалгаруулсан байгаа. Энэ жилийн оюутны улсын аварга шалгаруулах тэмцээнүүд Монголын оюутан тамирчид дэлхийн оюутны спортын зуны “Универсиад” наадамд оролцож  эхэлсний 45 жилийн ойн нэрэмжит тэмцээн болж байгаагаараа онцлог юм.

ТЭМЦЭЭНИЙ ДҮН:

Эрэгтэй:

1.    С. Амгаабазар дасгалжуулагчтай н.Отгонбаяр ахлагчтай ХААИС
2.    Б.Дорж дасгалжуулагчтай н.Өлзийсайхан ахлагчтай ШУТИС
3.    Н.Галбадрах дасгалжуулагчтай н.Мөнхбаяр ахлагчтай МУИС

Эмэгтэй:

1.    Б.Дорж дасгалжуулагчтай Уранбаяр ахлагчтай ШУТИС
2.    Э.Эрдэнэбилэг дасгалжуулагчтай Алтангэрэл ахлагчтай МУИС
3.    Н.Баярхүү дасгалжуулагчтай н.Анхилуун ахлагчтай УБДС

Байгууллагын дүнгээр:

1.    Б. Дорж дасгалжуулагчтай  ШУТИС
2.    Э.Эрдэнэбилэг дасгалжуулагчтай МУИС
3.    С.Амгаабазар дасгалжуулагчтай ХААИС

Б.Энх