Энэ сарын 11-ний үдэш Paris Hilton ээж Kathy-гийнхээ төрсөн өдрийг тэмдэглэсэн байна. Лос Анжелосын Дан Тана ресторанд барьсан төрсөн өдрийн оройн зоогонд Paris Hilton-ны аав Rick Hilton, найз залуу Doug Reinhardt нар ч байсан гэнэ.
Үргэлж хэл аманд өртөж явдаг шаргал үст Paris саяхан Бразилийн Devassa нэртэй шар айрагны телевизийн рекламд тоглож бас нэг шуугиан тариад амжсан. Уг рекламан дээр Paris хөргөгчнөөс шар айраг гаргаж ирээд нүцгэн шахам биен дээгүүрээ гулсуулдаг нь эмэгтэйчүүдэд хүндэтгэлгүй үйлдэл болсон гэж Бразилийн орон нутгийн хэвлэлүүд шүүмжилж байв. Хэсэг хугацаанд тэр зар сурталчилгааг телевизээр гаргахыг хориглосон ч одоо буцаад гарч эхлээд байгаа аж.

Ж.Индра