БНХАУ экспортын хэмжээ өнгөрсөн сарын байдлаар 45.7 хувиар өсөж, 94.5 тэрбум долларт хүрсэн бол импортын хэмжээ нь 44.7 хувиар тэлжээ. Сүүлийн гурван сар дараалан Хятадын экспорт нэмэгдэж байгааг AFP агентлаг дамжуулав.

Өнгөрсөн онд Хятадын экспорт 17 хувиар хумигдаж байсан ч тус улс дэлхийн хамгийн том экспортлогч болсон билээ. БНХАУ санхүү, эдийн засгийн хямралыг үл ажран гадаад валютын нөөцөө бараг 2.4 их наяд ам.долларт хүргэсэн. Түүгээр ч барахгүй өнгөрсөн оны сүүлчийн улиралд тус улсын ДНБ 10.7 хувиар нэмэгдсэн байна.