ОХУ-ын нийслэл Москва хотын Домодедрва нисэх онгоцны буудалд амиа хорлогчийн тэсэлсэн бөмбөгөнд Монгол Улсын иргэн өртөж гэмтсэн  эсэхийг тодруулахаар   Гадаад харилцааны яамны Консулын газрынхан өнөөдөр  Монгол Улсаас тус улсад  суугаа  Элчин сайдын яам руу холбогджээ. Урьдчилсан байдлаар монгол хүн дэлбэрэлтэд өртсөн талаар мэдээлэл ирээгүй гэнэ. Гэхдээ  өнөөдөр үдээс хойш буюу 14.00 цагаас  хойш  тус улсад суугаа  манай Элчин сайдын яамныхан  дахин шинэчилсэн  мэдээлэл ирүүлнэ гэж ГХЯ-ны Консулын газрын дарга Х.Ганхуяг мэдээллээ.