Завхан аймагт 2010-2011 оны хичээлийн жилийн  эхэнд  ерөнхий боловсролын  сургууль  30  хүрч өмнөх оныхоос гурван хувиар буурсан байна. Үүнд төрийн бус өмчийн нэг сургууль үйл ажиллагаагаа зогсоосон нь нөлөөлжээ.  Ерөнхий боловсролын нийт сургуулиудын 30 буюу 100 хувь нь төрийн өмчийн сургууль  байгаа аж.

Суралцагчдын тоо 15647 болж, 2009-2010 оны  хичээлийн жилийнхээс 1252 суралцагч  буюу 7.4 хувиар  буурсан байна. Нийт суралцагчдын 49,7 хувь нь 1-5 дугаар ангид, 34,6  хувь нь 7-9 дүгээр ангид, 15.5 хувь  нь 10,11 дугаар ангид тус тус суралцаж байна. Аймгийн төвд нийт суралцагчдын 31,4 хувь суралцаж байна.