Нийслэлийн захирагчийн ажлын албанаас сар шинийн баярын үеэр ажиллах үйлчилгээний газруудын хуваарийг гаргажээ. Тодруулбал, “Номин”, “Миний дэлгүүр”, “Боса” зэрэг хүнсний сүлжээ дэлгүүрүүд битүүний өдөр 22.00-24.00 цаг хүртэл ажиллаж, шинийн 1-нд амрах бол “Нарантуул” худалдааны төв хоёрдугаар сарын 3-15, “Хархорин” зах хоёрдугаар сарын 3-8-ний өдрийг хүртэл тус тус  амрах аж.

Сар шинийн баярын өдрүүдэд нийтийн зорчигч тээврийн үйлчилгээ шинийн 1, 2–нд 08.00 -23.30 цаг, шинийн 3, 4–нд08.00-22.30 цаг хүртэл ажиллана. Нийтийн тээврийн 54 чиглэлд том оврын 618 автобус, тролейбус, 363 микроавтобус, нийт 1039 тээврийн хэрэгсэл үйлчилгээнд гарах юм байна.

Мөн таксины үйлчилгээ эрхэлдэг 14 аж ахуйн нэгжийн 419 такси дуудлагаар үйлчлэх бол Шархад, Долоон буудал, Улиастай, Хужирбулан, Толгойт, Чингэлтэй, Дамбадаржаа, Хайлааст, Дарь эх, Цайз гэсэн чиглэлүүдэд бага оврын 36 автобус иргэдэд захиалгаар үйлчлэхээр болжээ.