Монголын чөлөөт бөхийн холбооноос зохион байгуулж буй өсвөр үеийн бүсийн тэмцээний хотын бүсийг хамарсан тэмцээн өнөөдөр эхэлж байна. Тэмцээн өнөөдөр өглөө МУБИС-ийн зааланд эхэлсэн бөгөөд нээлтийн ажиллагаа 16.00 цагаас болох ажээ. Дашрамд сануулахад, аймгуудын бүсийн тэмцээн хоёрдугаар сарын 25, 26-ны өдрүүдэд аймгуудын бүсийн төвүүдэд амжилттай болж, өндөрлөсөн байна. Хотын бүсийн аварга шалгаруулах тэмцээн маргааш дүнгээ гаргаж, хаалтаа хийнэ.

Б.Энх