Дуулиан болоод байгаа “Матильда” киноны найруулагч Алексей Учитель дуучин, хөгжимчин Виктор Цойгийн талаар кино хийхээр төлөвлөж байгаагаа мэдэгдсэн байна.

“Ирэх хавраас би эртнээс бодож, мөрөөдөж ирсэн киноны зураг авалтаа эхэлнэ. Энэ нь Виктор Цой болон түүний ойр дотныхон, түүний замаар замнагсдын тухай кино байх юм” хэмээн Учитель сэтгүүлчдэд ярьжээ.

Виктор Цой 1980-аад оны сүүлээр хамгийн их шүтэн бишрэгчтэй дуучин байсан бөгөөд түүнийг тухайн үеийн өөрчлөлт, шинэчлэлийн дууч хэмээн ярьдаг. Түүний эцэг нь Орост суурьшсан солонгос үндэстэн юм. Тэрбээр 1990 оны наймдугаар сард автомашины ослоор харамсалтайгаар тэнгэрт хальсан юм.

Эх сурвалж: РИА НОВОСТИ