Монгол, Япон, Хятад уран бүтээлчдийн хамтарсан тоглолт болов | News.MN

Монгол, Япон, Хятад уран бүтээлчдийн хамтарсан тоглолт болов

Хуучирсан мэдээ: 2017.10.27-нд нийтлэгдсэн

Монгол, Япон, Хятад уран бүтээлчдийн хамтарсан тоглолт болов

Хорьж болдоггүй хорин нас гэж манайхан ярьдаг.

Монгол Улс, Япон улсын хооронд дипломат харилцаа тогтоосны 45 жилийн ой, Монгол Улс, Бүгд Найрамдах Хятад Ард Улсын хооронд дипломат харилцаа тогтоосны 68 жилийн ойн хүрээнд гурван  улсын уран бүтээлчдийн урлагийн хамтарсан тоглолт Улаанбаатар хотноо анх удаа зохион байгуулагдлаа.

Урлагийн тоглолтод Монгол, Япон, Хятадын 300 гаруй уран бүтээлч оролцож, 1200 гаруй үзэгч сонирхлоо.  

Тоглолтод УИХ-ын дэд дарга, УИХ дахь Монгол-Хятадын парламентын бүлгийн дарга Я.Санжмятав, Япон болон БНХАУ-аас Монгол Улсад суугаа Элчин сайдын яамны дипломат ажилтнууд, гурван орны зочид, төлөөлөгчид урилгаар оролцов.

Аливаа улс орны ард түмэн хэл, соёл, түүх, зан заншлын өвөрмөц онцлогтой байдаг ч дуу, бүжиг хэмээх нийтлэг хэлээр бие биеэ харилцан ойлголцож, сэтгэлээ илэрхийлдэг билээ. Энэ үйл ажиллагааг  зохион байгуулагчид урлаг соёлын хамтын ажиллагаа Монгол, Япон хоёр орны хүрээнээс хальж, гурван талынх болж байгаад нэн баяртай байна. Цаашид улам өргөжин, Зүүн хойд Азийн ард түмнүүдийн урлагийн их наадам зохион байгуулагдах үндэс суурь болно хэмээн найдаж байна гэлээ.

Г.ХОРОЛ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-27 66.181.176.165

ХЯТАД

NewsMN Гар утасны хувилбар Татах
NEWS.mn

Мэдээллийн эх сурвалж