3,382.71
Жижигхэн ялаанаас эхлээд аварга том цэнхэр халим хүртэл бүхий л ан амьтан, жигүүртэн шувууд өөр өөрсдийн гэсэн давтагдашгүй чанартай. Танд амьтдын тухай сонирхолтой баримтуудыг хүргэе.
Имжийн сүүл тэнцвэрийн чухал үүрэгтэй. Хэрэв сүүлийг нь газраас хөндийрүүлээд өргөчихвөл имж үсэрч чадахгүй.
Эмэгчин имж гурван үтрээтэй байдаг.
Барын алаг эрээн судал нь үсний сорынх биш, харин арьсны толбо юм. Тиймээс ч барын эрээн судал дахин давтагдашгүй байдаг.
Нохой бөөс өөрийнхөө биеийн хэмжээнээс 200 дахин хол үсэрч чаддаг. Энэ нь дундаж өндөртэй хүн Нью-Йоркийн Эрх чөлөөний хөшөөний орой руу үсэрч гарахтай адил юм.
Муурын зөвхөн нэг чихэнд 32 булчин байдаг. Таны шивэгнэх төдий хэлсэн үг, сэм хуйвалдааныг чинь маш сайн сонсоно гэсэн үг.
Заан 5 км алсаас усны үнэрийг ялгаж чаддаг. Түүнчлэн эмэгтэй хүний адил биологийн хувьд нөхөн үржих чадваргүй болж, цэвэршдэг хоёр амьтны нэг нь заан юм. Нөгөөх нь бөгтөр халим ажээ.
Минж зогсоо зайгүй мод мэрж явдаг, хамгийн хөдөлмөрч амьтдын нэг гэдэг. Гэтэл минжний шүдний ургалт хэзээ ч зогсдоггүй учир байнга юм мэрж, шүдээ элээж байх зайлшгүй хэрэгтэй байдаг ажээ. Эс бөгөөс шүд нь гавлын яс хүртлээ урт ургадаг гэнэ.
Хясаа хүйсээ өөрчилж чаддаг. Хосоо олоход аль нь хялбар байна, түүгээр хүйсээ сольдог.
Гэртээ туршиж үзэх хэрэггүй. Гэхдээ эмгэн хумс нэг нүдээ “алдсан” тохиолдолд дахиад шинээр ургуулчихдаг.
Яст мэлхийг гаргаж буй дуу авиагаар нь хүйсийг нь ялгаж болно. Эр нь хүрхрэх, харин эм нь исгэрч байгаа мэт авиа гаргадаг байна.
Хөхтөн амьтдын дотроос бөгтөр халим хамгийн чанга авиа гаргадаг.
Нохойн хоншоорын хээ нь хүний хурууны хээтэй адил дахин давтагдашгүй байдаг.
Эрээн дальт бяцхан шувуу /hummingbird/ ухарч нисэж чаддаг цорын ганц шувуу юм. Тэд далавчаа секундэд 80 удаа дэвдэг гэнэ.
Наймаалж гурван зүрхтэй байдаг.
Заан бол хамгийн сайн харилцаатай амьтад гэдэг. Тэд инээдэг, уйлдаг. Тэд сүргийнхээ нэгнийг ирэхэд угтаж авах “арга хэмжээ зохион байгуулж”, үхсэн нэгнийхээ араас гашуудан цугладаг аж.
С.ЦЭЛМЭГ
