“Хориг бол З.Энхболдын улстөржилт”

Хуучирсан мэдээ: 2017.10.27-нд нийтлэгдсэн

“Хориг бол З.Энхболдын улстөржилт”

Монгол хөөмийн гайхамшгийг харуулах хөөмийч Соёлын тэргүүний ажилтан Н.Наранбадрах, ҮДБЭЧ-ын хөөмийч Ц.Цогтгэрэл нарын “Монгол сонгодог” хөөмийн тоглолт энэ сарын 11-нд 15.00 цагт Соёлын төв өргөөнд болох нь.

Монгол Улсын Ерөнхийлөгч Х.Баттулга Засгийн газрын сайд нарыг томилсон УИХ-ын тогтоолд хэсэгчлэн хориг тавиад буй. Энэ асуудлаар Сангийн сайд Ч.Хүрэлбаатарын байр суурийг тодрууллаа.


-УИХ-аас таныг Сангийн сайдаар томилсон шийдвэрт Ерөнхийлөгч Х.Баттулга хориг тавилаа.  Үүнд та ямар байр суурьтай байна вэ?

-Намайг Сангийн сайдаар томилогдох үеэс яригдаж эхэлсэн сэдэв. Шинэ зүйл биш. Би хувьдаа Ерөнхийлөгчийн Тамгын газрын дарга З.Энхболдын хийж байгаа улстөржилт гэж харж байна.

-Засгийн газрын сайд нараас зөвхөн таныг сонгож улстөржүүлээд байгаа нь ямар учиртай юм бол?

-Мэдэхгүй. З.Энхболд 2016 оны УИХ-ын сонгуулийн өмнө Увс аймагт очоод шившигтэйгээр хөөгдөж ирсэн. Тэрэндээ өс зангидаад байгаа юм болов уу.

-Ерөнхийлөгчийн хоригийг 65 суудалтай бүлэг хүлээж авах болов уу?

-Мэдэхгүй байна. Гайгүй биз.

-Ирэх оны төсвийг хэлэлцэх хугацаа тун давчуу байна. Ийм үед Сангийн сайдын томилгоонд хориг тавихаар ажил урагшлахад хугацаа алдана гэсэн үг үү?

Би ажлаа хийгээд л явна. Хориг тавьсан ч би ард түмний өмнө хүлээсэн үүргээ биелүүлж, улсын төсвөө цаг тухайд нь батлуулахын төлөө ажиллана. 2018 оны улсын төсвийг өнөөдөр /2017.10.27/ өргөн барина.

Намайг анх томилогдох үед Ерөнхийлөгч эсэргүүцэж байсан. Одоо хориг тавьж байна. Энэ улстөржилт цаашид ч үргэлжилнэ. Би хууль бус үйл ажиллагаа явуулдаг хүмүүстэй тэмцэнэ гэдгээ урьд нь мэдэгдэж байсан, цаашид ч тэмцэнэ.

-Таны үгнээс Ерөнхийлөгч болон Ерөнхийлөгчийн Тамгын газрын дарга нар хууль бус үйл ажиллагаа явуулдаг гэж ойлгогдохоор байна?

-Мэдээж шүү дээ. УИХ-ын шийдвэр болоод гарчихсан зүйл дээр хориг тавьж байна. Өөрөөр хэлбэл, 55 тэрбумыг УИХ-аар баталчихсан байхад хориг тавилаа. Үүгээрээ УИХ буруу шийдвэр гаргасан гэж үзээд байгаа юм уу. УИХ-ын шийдвэр дээр хориг тавиад байна уу, томилгоон дээр хориг тавиад байгаа юм уу.

-Тодотголд оруулсан 55 тэрбум төгрөгийг эдийн засагт ашигтай байдлаар зарцуулах өөр гаргалгаа байсан уу?

У.Хүрэлсүхийн Засгийн газар байгуулагдахаас өмнө төсвийн тодотгол УИХ-ын мэдэлд очсон. Тодотголыг УИХ-аар хэлэлцүүлээд явж байхад шинэ Засгийн газар байгуулагдсан. 

NewsMN Гар утасны хувилбар Татах
NEWS.mn

Мэдээллийн эх сурвалж