Хүүхдүүд 20000, төсвийнхөн 300000 төгрөг авна | News.MN

Хүүхдүүд 20000, төсвийнхөн 300000 төгрөг авна

Хуучирсан мэдээ: 2017.10.27-нд нийтлэгдсэн

Хүүхдүүд 20000, төсвийнхөн 300000 төгрөг авна

Монгол Улсын Ерөнхий сайд, УИХ-ын гишүүн, Ардчилсан намын дарга Н.Алтанхуяг Дорнод аймагт ажиллах томилолтынхоо хүрээнд аймгийн удирдлагуудтай уулзаж, орон нутагт тулгамдаж буй асуудлуудын талаар ярилцжээ.

УИХ-аас өчигдөр Монгол Улсын 2017 оны төсвийн тодотголын хоёр, гурав, дөрөвдүгээр хэлэлцүүлгийг тус бүр хийж, баталлаа.

Төсвийг тодотгосноор Монгол Улсын нэгдсэн төсвийн нийт тэнцвэржүүлсэн орлого 6,537.1 тэрбум төгрөг буюу ДНБ-ий 23,8 хувь, нийт зардал 9,154.5 тэрбум төгрөг буюу ДНБ-ий 33.4 хувь боллоо. Ингэснээр нэгдсэн төсвийн нийт тэнцвэржүүлсэн алдагдал 2,617.4 тэрбум төгрөг буюу ДНБ-ий 9.5 хувь болж, Засгийн газраас өргөн мэдүүлсэн төслөөс 0.04 пунктээр буурсан байна.

Мөн Сангийн яамны төвшинд гурван их наяд орчим төгрөгийн санхүүжилт хийх шаардлага үүсээд байсан нь төсвийг баталснаар цэгцрэх боллоо.

Үүнээс гадна  хүүхэд бүр он дуустал 20 мянган төгрөг авах боломжтой бүрдлээ. Шаардагдах хөрөнгийн эх үүсвэр болох 104.5 тэрбум төгрөгийг төсөвт суулгаж өгөв.

Олон улсын валютын сантай тохирсон хөтөлбөрийн хүрээнд багш, эмч нарын цалинг нэмэх боломжгүй байгааг харгалзан, төрийн албан хаагчдад нэг удаагийн нөхөн олговор болгож, 300 мянган төгрөг олгох шийдвэр гаргалаа. Үүнд төсвөөс 55.4 тэрбум төгрөг зарцуулахаар болж байна.

Харин амьжиргааны баталгаажих төвшнөөс доогуур орлоготой айл өрхийн орлогыг дэмжих зорилгоор 8 тэрбум төгрөгийг төсөвт суулгасан бол 603 офицерын цалинд шаардагдах 2.4 тэрбум төгрөгийг шийдвэрлэж өглөө. Ингэснээр өнгөрсөн долдугаар сарын 1-ээс хойш анги нэгтгэл дээрээ очсон офицерууд цалинтай залгаж байна.

Г.ХОРОЛ

 

 

 

 

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2017-10-27 202.9.41.8

ТЭТГЭВРИЙНХЭН ХЭДИЙГ АВАХ ВЭ?????? ЭСВЭЛ БИД ЖАГСАЖ ӨЛСӨХ ҮҮ ?????

Avatar

Зочин 2017-10-27 202.21.103.138

Болиочээ 1 удаа 300000 аваад дуугүй болчихгүй, асуудлаа үндсээр нь шийдээчээ. Сургууль цэцэрлэг, эмнэлэг нэмж барьж ачааллыг нь багасга. бодлогоор шийдэх юмыг битгий ингэж илээд өнгөрөх гээд байл даа. сэтгэл гаргаачээ. 3хан сая хүнийг яаж амьдруулж байгаагаа хараач!

Avatar

zochin 2017-10-27 150.129.141.45

300000 tugrug gedeg 1 hund bol baisan ch baigaagui ch neg ih yalgaagui. Harin
bugd niileed 55 terbum bolohooroo asar ih mungu. Ene ih mungiig demii tsatsah hend heregtei yum bol oo?
Boliochee!!! Ene ih munguur surguuli, tsetserleg shineer bariachee!

Avatar

Зочин 2017-10-27 202.179.27.23

Эрдэнэбптын засгийн газар наймаачидаас овоо татвар аваад зов дэглэмд нь оруулапд эхэлж байсан хурэлсух бол ямар ч эдийн засгийн мэдлэг байхгуй дампууруулж хаях нь ээ 7 торлийн татвар гэдэг нь голдуу наймаачид шагчдаас л авах татаар байсан даг

Avatar

Зочин 2017-10-27 103.10.22.71

Болиочээ хэдэн цаас илүү гарахаар тараагаад дуусахын цэвэрлэх байгууламжынхаа суурыг нь тавьчихаачээ.

Avatar

Зочин 2017-10-27 66.181.184.139

[Хориотой Үг] нар гарахаар [Хориотой Үг] сэтгэхгүйгээр л төр барих юм !!! Хаа байна жилийн өмнө л мөнгөгүй ядуугаа гайхаад л ОВСангаас гуйлга гуйгаад явж байсан… одоо яасан их хахаж цацаж байнаа. Наад мөнгө чинь татвар төлөгчдийн мөнгө!!!! яагаад татвар төлөгч нартаа нэг % ч гэсэн татварыг нь буруулж ачаалалыг нь бууруулаад өгч болдоггүй юм…

Avatar

иргэн 2017-10-27 202.131.249.138

Ядуу өрхүүдэд 8 тэрбум, харин төрийн албан хаагчдад 55 тэр бум тараах болжээ

NewsMN Гар утасны хувилбар Татах
NEWS.mn

Мэдээллийн эх сурвалж