ЗГ: “Эрдэнэт" үйлдвэрт Ажлын хэсэг ажиллана | News.MN

ЗГ: “Эрдэнэт" үйлдвэрт Ажлын хэсэг ажиллана

Хуучирсан мэдээ: 2017.10.26-нд нийтлэгдсэн

ЗГ: “Эрдэнэт" үйлдвэрт Ажлын хэсэг ажиллана

Гадаад харилцааны сайд Л.Болд Ази-Европын уулзалт (АСЕМ)-ын дээд түвшний есдүгээр уулзалтад оролцох үеэрээ Словакийн Ерөнхий сайдын орлогч бөгөөд Гадаад хэрэг, Европын асуудал эрхэлсэн сайд Мирослав Лайчак-тай энэ сарын 6-нд хүсэлтийнх нь дагуу уулзаж, хоёр талын хамтын ажиллагааны талаар санал солилцов.

Засгийн газрын хуралдаан 2017 оны 10 дугаар сарын 26-ны өдөр боллоо. Хуралдаанаар сахилга, хариуцлага, дэг журмыг бүх шатанд чангатгах, Төв цэвэрлэх байгууламжийн шинэчлэл, “Эрдэнэт”, “Монголросцветмет” компанитай холбоотой асуудлыг шалгах Ажлын хэсэг байгуулах зэрэг асуудлыг хэлэлцэн шийдвэр гаргалаа.


Сахилга, хариуцлагыг чангатгаж, дэг журам тогтоохыг үүрэг болгов

Төрийн ажлын хариуцлага, сахилга, дэг журмыг чангатгах зорилгоор Засгийн газраас бүх сайд, аймаг, нийслэлийн Засаг дарга, агентлагийн дарга, төрийн өмчит болон төрийн өмчийн оролцоотой аж ахуйн нэгж, байгууллагын удирдлагуудад Албан даалгавар хүргүүлэв.

Албан даалгаварт:

  • Төрийн албан хаагчийн ёс зүйн хэм хэмжээг чанд сахиж, улс төрөөс ангид байж, мэргэжлийн өндөр мэдлэг, ур чадвар, ёс суртахуунтай байх

  • Төрийн албыг хувийн ашиг хонжооны гишгүүр болгох гэсэн оролдлогыг тухай бүр нь таслан зогсоож, авилга, хээл хахууль, хүнд суртал, шударга бус байдалтай бүх шатанд тууштай тэмцэх

  • Төрийн албан хаагчийн ажлыг дүгнэн хариуцлага тооцох, урамшуулж байхыг даалгалаа. Ингэхдээ тухайн ажилтан, албан хаагчдын ажлын бүтээмж, үр дүн, санал санаачлага, сахилга, хариуцлага, иргэдийн санал хүсэлтэд шуурхай хариу өгсөн байдал зэргийг харгалзах юм. 

Мөн:

  • Хуулиар олгогдсон эрх хэмжээний хүрээнд аливаа ажил, асуудлыг шуурхай зохион байгуулах, гүйцэтгэлийн явц, үр дүнд хяналт тавих, төрийн албаны стандартыг  чанд мөрдүүлэх

  • Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах, лиценз болон бусад тусгай зөвшөөрөл, газар олголтыг нийтэд ил тод, нээлттэй зохион байгуулах

  • Иргэд, аж ахуйн нэгжид төрийн үйлчилгээг иргэд аж ахуйд хүнд суртал, чирэгдэл, ёс зүйн доголдолгүй үзүүлж байх

  • Хууль тогтоомж зөрчсөн, зөрчил, дутагдал гаргасан, ажлаа цалгардуулсан бол тухай бүр нь хариуцлага тооцож, зохих байгууллага, албан тушаалтанд мэдээлж байхыг үүрэг болгов.

Төсвийн үргүй зардлыг багасган, хөрөнгийг зориулалтын дагуу үр ашигтай зарцуулж, хэмнэлтийн горимыг чанд сахихыг бүх шатны төсвийн ерөнхийлөн захирагч нарт даалгав.

Засгийн газрын гишүүд, аймаг, нийслэлийн Засаг дарга нар Албан  даалгаврын хэрэгжилтийг жилийн эцсээр дүгнэж, тайлангаа ирүүлэх бөгөөд  хэрэгжилтэд Монгол Улсын сайд, Засгийн газрын Хэрэг эрхлэх газрын дарга Г.Занданшатар хяналт тавьж ажиллах юм.  

 

“Эрдэнэт үйлдвэр, “Монголросцветмет” компанид Ажлын хэсэг ажиллана

“Эрдэнэт үйлдвэр”, “Монголросцветмет” компанийн талаар авах зарим арга хэмжээний тухай” УИХ-ын 23 дугаар тогтоолыг хэрэгжүүлэх ажлыг зохион байгуулж, танилцуулах үүрэг бүхий Ажлын хэсгийг шинэчлэн байгууллаа.

Ажлын хэсгийг Сангийн сайд Ч.Хүрэлбаатар ахлах бөгөөд гишүүдээр  Хууль зүй, дотоод хэрэг, Уул уурхай, хүнд үйлдвэр, Зам, тээврийн хөгжлийн сайд болон Засгийн газрын Хэрэг эрхлэх газрын дэд дарга, “Эрдэнэт үйлдвэр” ХХК-ийн ТУЗ-ийн дарга, Монголбанкны дэд ерөнхийлөгч, ТЕГ-ын даргын үүрэг гүйцэтгэгч, Хөгжлийн банкны гүйцэтгэх захирлыг томилов.

Ажил, үүргийнхээ хүрээнд дэд ажлын хэсэг ажиллуулах, авч хэрэгжүүлсэн арга хэмжээний үр дүн, холбогдох шийдвэрийнхээ төслийг 2017 оны 12 дугаар сард багтаан Засгийн газарт танилцуулахыг Ажлын хэсэгт үүрэг болголоо.

Төв цэвэрлэх байгууламжийг шинэчлэх Ажлын хэсэг байгуулав

Улаанбаатар хотод цэвэрлэх байгууламж шинээр барих асуудлыг судлан санал дүгнэлт боловсруулах үүрэг бүхий Ажлын хэсгийг Барилга, хот байгуулалтын сайд Х.Баделханаар ахлуулан байгууллаа.

Төслийн техник, технологийн шийдэл, санхүүжилтийн асуудлыг нарийвчлан судалж, санал дүгнэлтээ 2017 оны 11 дүгээр сард багтаан Засгийн газрын хуралдаанд танилцуулахыг Ажлын хэсэгт үүрэг болголоо.

С.Баатаржавыг Цагдаагийн ерөнхий газрын даргаар томилов

Өөр ажилд шилжсэнтэй нь холбогдуулан Цагдаагийн ерөнхий газрын дарга, хурандаа Ө.Энхтөрийг ажлаас нь чөлөөлж  Хууль сахиулахын их сургуулийн захирал, хурандаа С.Баатаржавыг томиллоо гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ. 

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-26 66.181.187.89

ок

Avatar

Зочин 2017-10-26 66.181.187.89

уул уурхайгаасаа ард иргэдэд тодорхой хувийг нь хувьцаагаар өгчих боломж байвал сайнсан жил бүр ногдол ашиг хүртээд байвал ард иргэдийн амьдрал дээшлэх бол уу, ард иргэддээ чиглэсэн амьдрал ахуйд нь нэмэр болчих зөв сайн шийдвэрүүдийг гаргаад байвал энэ ЗГ-ийг дэмжихээс яахав

Avatar

Зочин 2017-10-26 104.174.38.165

Сайн байна хэрэгжвэл.Нямдоржийгоо сайн хамгаалж ажиллаарай.Харин тэр Баатаржав
чинь зоригтой ажиллаж чадах болов уу Нямка?

Avatar

Зочин 2017-10-26 66.181.179.127

Зөв шийдвэр бна,нухацтай судалж зөв шийдвэр гаргаарай,засгийн газар хурдан шуурхай ажиллаж бна,баяр хүргэе.

Avatar

Зочин 2017-10-26 27.123.212.132

Ц.Нямдоржийг шударга юм ярьж шударга царай гаогачихаад юу хийсэн юм бэ гэж ярих юм хууль бус зүйлтэй тэмцэх гээд эхлэх төдийд яаж байна төрд шургалсан хууль бус хэргийн эзэд тэдний хэргийг замхаруулдаг хууль хяналтынхан албан тушаалтангууд яаж сандарч байна үхэхдээ үхэр буугаа гэгч болж байна шүү дээ шударга бус зүйл тэй тэмцэхэд хэцүү цөвүүн цаг болсон байхна шүү төр хүчий бүлэг маафийхан eр нь бодсон сансан зүйлийг зүрээр хийлгэчих юм шиг байна уу жишээ Хурцыг харалдаа огт ноогүй мэт сагдарчбайна шудсрга төрийн албан хаагч аль үнэтэй байрлал болгоноос худалдан авч дэлгүүр нээж бхйна оүл дээ дэлгүүр нь хүн бага ордог нэр төдий халхавч ман зайсанд олон давхар бмйшинг төрийн албан хаагчиян цалих гэр бүлийн 8 нэрийн дэлгүүрийн орлогоор барьж амжихуу битг й шударга хүн шиг царайлахаа л больчих л доо хурцаа төрд өчнөөн жил ажилласан хүн ганц шахаа хийх юм байсан байсан сүржигнэхээ л больчих хулгай хийгээд улсаа зарчихсан биш тэднйг мэдсэн мөртлөө яадагчгүй байж өөр йнхөө толгой дээрхийг хаоаагүй байж хүний жтжигхэн зүйлээр тоглолт х ийж ард түмэний мэдрэлээр тоглох хэраггүй юм биш үү

Avatar

Zochin 2017-10-26 66.181.184.9

Baatarjav chin 60 terbumtai holbootoi garch bsan biz dee.
Mon Erdenebilgiiin baruun gar sh dee.
Oor hun zondoo bgaa sh dee

Avatar

иргэн 2017-10-26 43.242.243.202

3 сая иргэнээ эрүүл саруул. эрхэлсэн ажилтай амар амгалан байлгахын төлөө одоо хжиллах болсоон амжилт хүсье . [Хориотой Үг] нарт зохих шийтгэлийг нь өгөөрэй.

Avatar

Зочин 2017-10-26 43.228.131.110

Нямдорж хуулийн салбарт 20 жил дарангуйлалаа явуулж Монгол улсын хуулийн байгууллагыг хувийн компани мэт ойлгодог болжээ.Нямдорж цэгцлэхээсээ өмнө өөрийн дарангуйлалаа сэргээх гэсэн зорилготой байна. Хэрэв үнэн зөвийн төлөө явдаг байсан юм бол хүүхдийн хүчирхийлэлтэй холбоотой хууль батлаж байх үеээр хаана явав.аль эсгүй бол дахин орон дотроо уншиж батлав уу.Нэмж хэлэхэд Нямдорж Хурцын Герман явсан талаар юу гэж яриж байлаа гэтэл өнөөдөр яаж ингэж хэлж чадаж байнаа Хууль зүйн сайд ЗГ гишүүн УИХ гишүүн хүн гаргах авир мөн үү. Намайг чагнасан гээд л чичрээд байна таныг ХЯТАДЫН тагнуул мөн бишийг тодорхойлохын тулд чагнах л байлгүй дээ.Та хүнээс нуух юма алдаагүй бол юунд нь сандраад байгаа юм

Avatar

zochin 2017-10-26 202.131.244.117

Sain baina amjilt

Avatar

Зочин 2017-10-26 202.131.243.162

Зоригийн хэргийн захиалагч нь ШО, багабанди, монгол ньюсийн балдорж, эрдэнэтийн хэргийн эзэн нь элбэгдорж, мөнгө гаргасан хүн нь жанхуу баттулга тул эд нар нямдоржоор оролдоод эхэллээ. Хурц гэх энэ пээдгэр бацааныг жанхуу баттулга, ухна хүрэлсүх, элбэгдорж, багабанди нар хамгаалж байгаа тул үнэн пээдгэр байна аа….

Avatar

Зочин 2017-10-26 150.129.143.224

Нямдорж хуулийн салбарт 20 жил дарангуйлалаа явуулж Монгол улсын хуулийн байгууллагыг хувийн компани мэт ойлгодог болжээ.Нямдорж цэгцлэхээсээ өмнө өөрийн дарангуйлалаа сэргээх гэсэн зорилготой байна. Хэрэв үнэн зөвийн төлөө явдаг байсан юм бол хүүхдийн хүчирхийлэлтэй холбоотой хууль батлаж байх үеээр хаана явав.аль эсгүй бол дахин орон дотроо уншиж батлав уу.Нэмж хэлэхэд Нямдорж Хурцын Герман явсан талаар юу гэж яриж байлаа гэтэл өнөөдөр яаж ингэж хэлж чадаж байнаа Хууль зүйн сайд ЗГ гишүүн УИХ гишүүн хүн гаргах авир мөн үү. Намайг чагнасан гээд л чичрээд байна таныг ХЯТАДЫН тагнуул мөн бишийг тодорхойлохын тулд чагнах л байлгүй дээ.Та хүнээс нуух юма алдаагүй бол юунд нь сандраад байгаа юм

Avatar

Зочин 2017-10-26 43.242.243.188

Sonsohod ikh taatai medee baina. Ajlaa hiih l yldlee

Avatar

Зочин 2017-10-26 202.9.43.57

Сайхан шийдвэрүүд байна. Засгийн газар ингэж шуурхай ажиллах хэрэгтэй. Амжилт хүсье.

NewsMN Гар утасны хувилбар Татах
NEWS.mn

Мэдээллийн эх сурвалж