Элс шуудайлан гол ханаа босгоод гадуур нь цементлэн хоёр өрөө  гэр барьжээ .  Энэхүү мэдээлэл цахим  ертөнцөд  олон хүний талархлыг хүлээгээд байгаа  юм. Дорноговь аймгийн Хатанбулаг сумын Халив багт баригдсан  гэрийг ээж, охин, хүү  гурав  хамтран барьсан байна.

Анх гэрийн ханыг блок юм уу тоосгоор барья гэж бодсон ч өртөг өндөр гарсан учраас манай нутагт хамгийн их байдаг элсийг ашиглая гэж шийдсэн. Энэхүү гэрийг бүтээхэд 1600 ширхэг шуудай орсон. Нэг шуудай элс нь 15-17 кг орчим болсон гэж гэр барьсан Б.Ганцэцэг/ээж/ цахим хуудсандаа нийтэлжээ.

Элсээр барьсан гэрийн доторх тохижилт зэргийг оруулахад нийт долоон сая гаруй төгрөгөөр бүтжээ.