Хятадын хувь заяаг тодорхойлохын өмнө | News.MN

Хятадын хувь заяаг тодорхойлохын өмнө

Хуучирсан мэдээ: 2017.10.26-нд нийтлэгдсэн

ХҮМҮҮС

Хятадын хувь заяаг тодорхойлохын өмнө

Хятадын хувь заяаг тодорхойлохын өмнө

Удирдагч болох зам амаргүй. XXI зууны дэлхийн удирдагчдын дотор уулын агуйд хоноглож, тариалангийн талбайд бөхөлзөн ажиллаж байсан нь олонгүй.

50 жилийн тэртээ Хятад улс Соёлын хувьсгалын давалгаанд хөл толгойгоо алдаж, зах замбараагүй болсон тэр үед Ши Жиньпин 15-хан настай залуу хархүү байв. Амьдралыг үзэх үзэл нь хараахан бүрэлдэж тогтоогүй хотын хүү алс хязгаарт цөлөгдөж, уул ус, хадан хавцал бүхий хөдөөгийн амьдралд борогшихын хэрээр тэндхийн ядуу зүдүү иргэдийн зовлон гачлант байдлыг өөрчлөх ёстойг ухаарсан гэдэг.

Тэр цагаас хойш хагас зуун өнгөрөхөд Ши Жиньпин улсынхаа удирдагчаар улиран сонгогдоод байна. Хятадын Коммунист намын их хурлаас түүнийг ирэх таван жилд их гүрний удирдагчаар тохоон томилсон юм.

Ши Жиньпин 1953 оны зургадугаар сард төржээ. Хятадын түүхэн удирдагч Мао Зедуны байгуулсан Бүгд Найрамдах Хятад Ард Улс тэр үед “дөрөвхөн настай балчир” байсан юм.

15 нас хүртлээ Ши хорвоогийн өнгө будаг дэндүү ялгаатай болохыг ойлгосон байв. Тэр уг нь Хятадын ханхүү нарын нэг байсан. Түүнээс 10 наснаас өмнөх амьдралыг нь товчхондоо ингэж тодорхойлсон нь бий.

Эцэг Ши Жуншинь Коммунист намын удирдах албанд зүтгэж явсан, Ден Сьяопиний ойрын туслах төдийгүй Хятадын ерөнхий сайдын алба ч хашиж явжээ. Хятадад эдийн засгийн тусгай бүс бий болгох дүр зургийг анхлан гаргасан баатар байв. Нийслэл Бээжин хотын тансаг сууцанд амьдарч, үе тэнгийнхэн дотроо “даргын хүүхэд” гээд додигор нэгэн байжээ.

Зүүн талаас Си Жиньпин төрсөн дүү болон аавын хамт

Гэвч Соёлын хувьсгалын хөлд Ши Жуншинь намын дотоод цэвэрлэгээнд өртөж, эд хөрөнгө, эрх ямба тэргүүтнээ хураалгаад зогсохгүй баривчлагдаж, шоронд хоригджээ. Гэр бүлийнхэн нь мөнхийн дарамтад. Энэ хооронд Ши Жиньпиний эгч нь амиа егүүтгэв. Түүнийг 13 нас хүрэх үед оюутан сурагчдын багш нарыгаа зодож нүдэх, зарим үед амийг нь хөнөөсөн хэрэг ч гарч, улам бүр гаарах болсон тул Бээжин хотын сургуулиудыг хааснаар Ши сургууль завсарджээ.

Өмгөөлж хамгаалах эцэг эх, найз нөхөдгүй хоцорсон Ши Улаан хамгаалагчдын зодуур нүдүүрийг хангалттай амсжээ. Заналхийлэл, сүрдүүлэг, шийтгэл дунд өнгөрсөн тэр үеийн тухай Ши нэлээд хожуу сэтгүүлчид ам нээсэн байдаг.

“Би 14-тэй л байсан юм. Улаан хамгаалагчид надаас “Чи үйлдсэн гэмт хэргийнхээ төлөө ямар шийтгэл амсахаа мэдэж байна уу” гэж. “Цаазлуулах ял мөн үү” гэж асуухад минь “Зуун удаа буудуулах ял мөн” гэж билээ. Харин би дотроо нэг удаа буудуулах, зуун удаа буудуулахын ялгаа юун” гэж бодсон юм”…

Шигийн үеийнхэн сургууль соёлгүй хоцорч, амьдралыг зөвхөн өөрийн бодлоор, сэтгэлийн тэнхээгээр, бодлын хүчээр давсан тухайгаа дурссан нь цөөнгүй. Ши харин бусдыг толгой гудайлгахыг шаардах бус, харин үзэл бодлыг нь сонсохын чухлыг тэндээс суралцсан гэдэг.

Мао Зедун 1968 онд хөдөөгийн иргэдийн хүнд хүчир хөдөлмөрт сурган хүмүүжүүлэх нэрийдлээр хотын 30 сая хүүхэд, залуусыг хөдөөд томилох тушаал гаргасан юм. СШ Шаньси мужийн Лянжиахө хотод хуваарилагджээ.

Си Жиньпиний амьдарч байсан агуй одоо жуулчдад зориулсан үзвэр болжээ

Уулын агуйд шөнийг өнгөрүүлж, өдрийн уртад тариан талбайд бохисхийх завгүй ажиллаж байсан өдрүүд түүнийг шулуун шударга, дайчин зоригтой, өнөөдрийн Ши Жиньпин ямар байгаа тэр л байр сууринд хүргэх гол хөшүүрэг нь болсон тухай өөрөө дурссан байдаг.

“Би зүрх сэтгэлээ Лянжиахөд үлдээсэн. Лянжиахө л намайг хүн болгосон. Анх 15 настайдаа тэнд очоод бухимдаж, учраа олохгүй цөхөрдөг байлаа. 22-тойдоо буцах үед миний амьдралын зорилго хэдийн тодорхой, бат бөх сууж, би өөрөө итгэл үнэмшил дүүрэн нэгэн болсон байсан”

гэж ярьсан нь бий.

Хятадын 1960-аад оны тосгоны амьдрал амаргүй байжээ. Тог цахилгаан, унаа тээвэр, механик багаж хэрэгсэл гэхээр юм үгүй. Залуухан Ши тэнд л нүцгэн гараараа өтөг бууц зөөж, суваг шуудуу ухаж, зам барьж байв.

Харанхуй агуйд гурван нөхдийн хамт бясаа, жоомонд баригдсан нааран дээр шөнийг туулна. Тэдний нэг нь болох Лю Хоушен 2015 онд хэвлэлд ярилцлага өгөхдөө “Тэр үед бид будааны агшаамал, хэдэн ургамал ногоо, жигнэсэн мантуугаар л ходоодоо борлуулдаг байлаа. Өлссөн цагт хоолой давж л байвал юу ч хамаагүй байдаг” гэж ярьжээ.

Си Жиньпин 1979 он.

Шөнийн цагаар Ши орондоо ороод тосон дэнгийн гэрэлд ном уншина. Түүнийг номын хорхойтон, бас тамхийг угсруулан татдаг байсан тухай Лю овогт дурсжээ. Бас тэр тоглоом наргиан, хүүхэн шуухнаас хол нэгэн байсан аж.

18 нас хүрээд Ши улс төрийн замналаа эхлүүлжээ. Тэр Коммунист залуучуудын нэгдлийн гишүүн болж, 21 настайдаа Коммунист намд элссэн байна.

Мао Зедун нас барсны Ши Жуншинь суллагдах үед хүү нь хэдийн намын гишүүн болсон байжээ. Удалгүй Хятадын засгийн газрын гишүүн болсон байна.

Засгийн газарт хашсан анхны алба нь тухайн үеийн Батлан хамгаалахын сайд Ген Бьяогийн хувийн нарийн бичгийн гэсэн албан тушаал байв.

Шат дараагаар тушаал дэвшиж, 2002 тэр Ши Жиньпин Коммунист намын Жөзянь мужийн намын нарийн бичгийн даргын албанд томилогджээ.

Улмаар 2007 онд ХКН-ын Төв хорооны Улс төрийн товчооны байнгын хорооны гишүүнээр сонгогдож, түүнээс хойш таван жилийн дараа /2012 оны арваннэгдүгээр сард/ 90 сая гишүүнтэй дэлхий дээрх хамгийн том улс төрийн байгууллага болох ХКН-ын ерөнхий нарийн бичгийн дарга болов. Дөрвөн сарын дараа тэр ХЯТАДЫН ДАРГА болсон юм…

Си Жиньпиний эхнэр Пен Лиюаний хамт

С.ЦЭЛМЭГ

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

13 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-26 202.9.41.168

Яг үнээн Равдан даргаа тогтолцоо сайн муу даа биш,харин тогтолцоо тогтвортой байх ёстой.харин манайд яаж байна гэж үү бүх юм эсрэгээрээ байгаа биз.Монголд тогтолцоо тогтвортой байх үндэс суурь хууль,эрх зүйн талаасаа ч улс орны удирдлагын өнөөгийн тогтолцоондоо ч байна.Тэгээд яагаад ингээд яваад байна гэж үү.Гадаадынхны захиалгаар улс орныг ядуу буурай байлгах сонирхолтой бүлэглэл хүчтэй байна шүү дээ.

Avatar

uvur mongoliin zaluu 2017-10-26 223.104.3.144

hytad yagaad yuuch ugui yaduu hooson ulsasaa unuuduriin undur hugjiliin amjiltd hursen b gevl daraah zvvliig hundsentoi shvvd holbootoi ★1 ded butchiig hugzlkh ★ 2 dotood hergcheegee ooroo hangakh ★ 3 uls turiin togtuun baidaliig batlah ★4 ediin zasagiig nen turuu talvkh★5 ard olan ni aj ahuilaliig demjikh ★6 tumur zam .aut mashni zam barikh agariin teevvriig hugzulkh★7har muur tsgaan muur gesngui hulgan barivl bur sai muur geh zartsmaar ulsturiin ajilgaa urnuulkh ★8 hatuu hvvl zviin ortsn batalkh ★9 buren ardchlalaas tatgalzakh★10 ortsn tsagiin shin zvvliig idevh hugzuulk……

Avatar

Зочин 2017-10-26 66.181.185.38

End JOOM uurlesen bna. Ravdan gej sulraltai tulburtei comment bichdeg zolbing zailuulval taarna.

Avatar

РАВДАН 2017-10-26 202.70.46.238

ХЭРВЭЭ ДЭН СЯО ПЭНИЙ ХҮҮ СУРГУУЛИЙНХАА ЦОНХООР ШИДҮҮЛЖ ТАХИР ДУТУУ БОЛООГҮЙ БАЙСАН БОЛ ӨДИЙД ШИЖИНБЭЭГИЙН ОРОНД БАЙХ МАГАДЛАЛТАЙ ХЭРВЭЭ ТЭГСЭН БОЛ МОНГОЛЧУУДАД МАШ МУУ БОЛОХ БАЙСӨӨН ЯАГААД ГЭВЭЛ ДЭН МОНГОЛЫН ТУСГААР ТОГТНОЛЫГ НЭГ БУС УДАА ХӨНДӨЖ БАЙСАН ТУЛ ЗАЛГАМЖЛАГЧАА Ч ЭНЭ ТАЛААР БЭЛДСЭН Л БАЙЖ ТААРНА

Avatar

РАВДАН 2017-10-26 202.70.46.238

ШИЖИНБЭЭ ХҮҮХЭД БАЙХДАА МАНАЙ ЦЭДЭНБАЛ ДАРГАД ЦЭЦЭГ БАРЬЖ ПИОНЕР ЁСОЛГОО ХИЙЖ БАЙСАН ЮМАШД

Avatar

РАВДАН 2017-10-26 202.70.46.238

ТӨРИЙН ЗӨВЛӨЛИЙН ЕРӨНХИЙ САЙД БАЙСАН ХҮН ХИЧНЭЭН ЯДАРЛАА ГЭХЭД ХҮҮГЭЭ НЭГ МУУ НАРИЙН БИЧГИЙН ДАРГЫН АЖИЛД ОРУУЛЖ ЧАДАЛГҮЙ ЯАХ ВЭ АЧ САНАХ ХҮН БАЙЖ Л ТААРААШД ХАРИН ШИЖИНБЭЭ ЭЦГИЙНХЭЭ НЭРИЙГ БААСДАЖ ӨНГӨ МӨНГӨНД ХУУРТААГҮЙ БОЛОЛТОЙ ГҮЭЭ ОДОО ЧАДЖУУГАА ЮМЫГ ЯАЛТАЙ ВЭ ДЭЭ

Avatar

РАВДАН 2017-10-26 202.70.46.238

ПҮҮЖЭЭ Ч ШИЖИНБЭЭ Ч ТОГТОЛЦООНЫ ҮР ДҮН ТИЙМ Л БАЙСАН ТИЙМ Л БАЙНА ТИЙМ Ч БАЙХ БИЗ ХАРИН МАНАЙД ХЭДЭН САХАЛТАЙ ХҮҮХДҮҮД УЛС БОЛЖ ТОГЛООД Л ГЭРЭЭ НУРААГААД Л ДАХИЖ БАРИАД Л ХАМАГ МОД ХАМХАРЧ ГҮЙЦЛЭЭ

Avatar

зочин 2017-10-26 66.181.160.94

Удирдагчаар удирдуулж явдаг улс орон ч найдваргүй дээ Нэг л өдөр удирдагч нь буруу хөл дээрээ босчихвол яана . Пүүжээ шиг…..

Avatar

РАВДАН 2017-10-26 202.70.46.238

ТОГТОЛЦОО САЙН МУУДАА БИШ ХАРИН ТОГТВОРТОЙ БАЙХ НЬ Л ГОЛ АСУУДАЛ ГИТАДЫН ДАРГА НАР АЛДАА ХИЙДЭГГҮЙДЭЭ БИШ ХАРИН ТОГТОЛЦОО НЬ ТЭДНИЙГ АЛДАА ХИЙЛГЭДЭГГҮЙД Л УЧИР БАЙНА ГИТАДЫН ДАРГА НАР ХАРИН СОНОР СОРГОГ АЖИГЧ БАЙХ Л ҮҮРЭГТЭЙ

Avatar

manu 2017-10-26 27.123.214.90

Manaid iiml hun heregtei bndaa manai uls turchid gj buun hulgaich nar

Avatar

ЗОЧИН 2017-10-26 202.179.27.170

ЖИНХЭНЭ УЛС ТӨРЧ ХҮН ГЭЖ ЭНЭ ХҮНИЙГ ХЭЛЖ БОЛНО.

Avatar

РАВДАН 2017-10-26 202.70.46.238

68 ОНД 15-ТАЙДАА ДАХИН ХҮМҮҮЖҮҮЛЭХЭЭР ХӨДӨӨ ОЧИЖ 18 НАС БУЮУ 71 ОНД ХКЗЭ-Д ЭЛСЭЖ 21 НАС БУЮУ 74 ОНД ХКН-Д ЭЛСЭЖ МАО 76 ОНД НАС БАРАХАД ААВ НЬ СУЛЛАГДАЖ ТЭГЭЭД БХЯ-НЫ САЙДЫН ХУВИЙН НАРИЙН БИЧИГ БОЛСОН ЮМ БАЙНА ЭНДЭЭС ХАРАХАД ЭРДЭМ ЧАДЛААС ИЛҮҮ ТАНИЛ ТАЛЫН ЗАРЧМААР КАРЬЕРЭЭ ЭХЛҮҮЛЖЭЭ ХЭЗЭЭД НЬ ИХ СУРГУУЛИА ТӨГССӨН ЮМ БОЛАА БАС БХЯ-НЫ САЙД МОНГОЛД ҮХДЭГ ЛЯН БЯО ЮМ БИШҮҮ ГЕН БЬЯО ГЭЖ БАЙСАН Л ЮМ БАЙХ ДАА

Avatar

Мандах 2017-10-26 61.48.217.2

Та нар шиг Орос сургууль төгссөн хуурамч гахай нараас илүү шүү энэ хүн, Хар Равдан гэж өөрийгөө авгайлагч [Хориотой Үг] [Хориотой Үг] минь

NewsMN Гар утасны хувилбар Татах
NEWS.mn

Мэдээллийн эх сурвалж