Видео байршуулж, бусад хүмүүстэй хуваалцах боломжийг олгодог “YouTube”
вэб сайт нүүр хуудсынхаа загварыг өөрчилж, хэрэглэгчдэд тус вэб сайтыг
ашиглахад илүү хялбар болгож байгаа гэж компанийн зүгээс мэдэгдлээ.

“Олон тооны судалгаа, олон нийтийн санал асуулгын үр дүнд одоо байгаа
нүүр хуудас хэрэглэгчдэд таарахгүй байна” гэж компаниас хэлсэн байна.
Нүүр хуудсанд харагдах хувийн контентын тоог нэмэгдүүлж, зарим форматыг
өөрчилсөн гэнэ. Түүнчлэн өөрийн мэйл хаяг руу нэвтрэхэд илүү хялбар,
хурдан болсон төдийгүй, нүүр хуудсан дээр таны хамгийн сүүлд татсан
дөрвөн видео бүгд харагдаж, хүсээгүй видеогоо “х” товчлуур дээр даран,
устгах боломжтой юм байна.