Лондон хот хүүхдүүдийн төлөө татвараа өөрчиллөө | News.MN

Лондон хот хүүхдүүдийн төлөө татвараа өөрчиллөө

Хуучирсан мэдээ: 2017.10.25-нд нийтлэгдсэн

Лондон хот хүүхдүүдийн төлөө татвараа өөрчиллөө

Лаос улсын нийслэл Вьентьян хотноо чуулж буй АСЕМ-ын дээд хэмжээний уулзалтад оролцож байгаа Монгол Улсын Ерөнхийлөгч Цахиагийн Элбэгдоржид Бүгд Найрамдах Эстони Улсын Ерөнхий сайд Андрус Ансил бараалхав.

Лондон хотын агаарын чанарыг сайжруулах зорилгоор олон жил явсан тээврийн хэрэгслээс хотын төвөөр зорчиход нь нэмэлт татвар авах журам Даваа гаригаас хэрэгжиж эхэлжээ.

Хотын агаарт байх хорт бодисын хэмжээ Дэлхийн эрүүл мэндийн байгууллагын заасан стандартаас 50 гаруй хувиар их гарсан аж.  Хотын захирагчийн албанаас мэдээлснээр 438 сургуулийн орчимд агаарын чанарын үзүүлэлт стандарт үзүүлэлтээс тааруу гарчээ. Агаарын бохирдол хүүхдүүдэд илүү хортой учраас ирээдүйнхээ төлөө ийм арга хэмжээ авах болсныг Лондон хотын захирагч мэдэгджээ.

Лондон хотын төвийн тогтоосон бүсээр зорчиход бүх автомашин өдөрт 11.50 фунт-стерлинг (15 ам.доллар орчим) татвар төлдөг. Тэгвэл шинэ журмын дагуу 2006 оноос өмнө үйлдвэрлэгдсэн автомашинууд ажлын өдрүүдэд  07.00-гоос оройн 18.00 цагийн хооронд төв хэсгээр зорчихдоо нэмж өдөр бүр 10 фунт-стерлингийн (13 ам.доллар орчим) татвар төлөх болж байна. Өөрөөр хэлбэл, 10-аас дээш жил явсан автомашинтай бол төвөөр зорчихдоо өдөрт  28 ам.долларын татвар төлнө гэсэн үг. Шинэ журмын дагуу стандартад үл нийцэх автомашинтай иргэд жилд 2490 фунт-стерлингийг татварт төлөх аж. Журам амралтын өдрүүд, Зул сар, Шинэ жилээр үйлчлэхгүй. Хэрэв жолооч нар татвараас бултаж, зайлсхийвэл 160 фунт-стерлингийн торгууль ногдуулахаар журамлажээ. Гэхдээ торгуулийг 14 хоногийн дотор төлбөл 65 ам.доллар болгож хөнгөлөх аж.

Их Британийн Засгийн газраас 2040 оноос шатахуун, дизель хөдөлгүүртэй автомашины худалдааг зогсооно гэдгээ энэ оны эхээр мэдэгдсэн. Лондон хот 7.9 сая хүн амтай. Их Британид жилд 29 мянган хүн агаарын бохирдлоос шалтгаалсан амьсгалын замын өвчлөлөөр нас бардаг гэсэн судалгаа гарчээ. Автомашины хөдөлгүүрийн шаталтаас үүсэх утаанд агуулагдах нитроген оксид нь хүний зүрх, уушги, амьсгалын замын эрхтнүүдийг гэмтээдэг байна. Их Британичууд олон жил явсан автомашины хөдөлгөөнийг хязгаарласнаар агаарын бохирдлыг 2020 он гэхэд 50 хувиар буулруулна гэж үзэж байна.

Агаарын бохирдлын эсрэг дээрх арга хэмжээг цаашид Их Британийн Манчестер, Ливерпүүл, Нью-Кастл, Бристол зэрэг 30 орчим хот, жижиг хотод хэрэгжүүлэхээр төлөвлөжээ. Олон улсын жишгээр Их Британи цахилгаан автомашины үйлдвэрлэлийг нэмэгдүүлж, 2040 оноос дизель, хийн хөдөлгүүрт автомашины худалдааг хориглох нь нэгэнт тодорхой болж байна.

Энэ мэтээр агаарын бохирдлын эсрэг бодитой арга хэмжээ авч байгаа хот, улсууд олон бий.
 

Энэтхэг улс 2030 оноос дан цахилгаан автомашин үйлдвэрлэх амбицтай байна.

Агаарын бохирдлоор дэлхийг тэргүүлэх болсон Хятад улс цахилгаан автомашины худалдааг дэмжихээ илэрхийлсэн боловч тодорхой хугацаа заагаагүй байна.

Норвеги 2040 оноос зөвхөн цахилгаан автомашин худалдана.

Нидерланд 2035 оноос зөвхөн цахилгаан автомашин худалдаж эхлэх зорилт тавьжээ.

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

BOLD 2017-10-25 103.229.123.178

Хотын төвөөр дайрвал 5000 төгрөг авдаг болоё

Avatar

Зочин 2017-10-25 202.9.43.208

Хуцоо [Хориотой Үг] гэр хорооллын айлуудаасаа тэгвэл утааны татвар авчаад [Хориотой Үг] хотын иргэдийг утаж [Хориотой Үг] гээд байна

Avatar

Зочин 2017-10-25 103.14.36.18

Дэг журамыг санхүүгийн хөшүүргээр л тогтооноо. Ялангуяа УБ-д хуучин машин, гэр хороололд амьдарч буй хүмүүсээс агаарын бохирдол хураамж авах хэрэгтэйн байгаа. Тэгвэл төвлөрөл ч саарна. Данч энэ хэдэн улс төрчид нь тэр хэсэгтээ таалагдах гээд худлаа амлалт ярихаас цаашгүй юм даа. Энэ хэдэн худлаа яригчдаас ч их юм болж байна даа.

Avatar

зочин 2017-10-25 183.81.171.132

хав хар утаа саагуульж яваа том оврын автобус болон жип машин,портроос торгууль их аваад бүрмөсөн хөдөлгөөнд явахыг нь хоривол ямар бэ ард нь амь амьдрал байгаа ч бохир агаараас нь хүмүүс ялангуяа нялх хүүхэд урагтаа эндээд байна шүүдээ. тэр хав хар утаагаар амьсгалахад ямар гамшиг гэж сананаа. замын цагдаа нараа бна уу та нар

Avatar

Зочин 2017-10-25 203.169.49.94

Хар утаатай хуучин автобус нь хотын дарга нарын шахааных, харин хар утаатай том том жипнүүдээс татвар авах нь зөв. Дэлхийн олон оронд дизель хөдөлгүүртэй машиныг хотын төвөөр явуулахыг хорьсон байгаа.

Avatar

Зочин 2017-10-25 202.21.106.127

Хотын төвөөр дайрвал 5000 төгрөг авдаг болоё

Avatar

Иргэн 2017-10-25 202.70.46.209

Нийтийн тээврийн бүрэн шинэчлэл метро болон тусгай замын троллейбусны замыг яаралтай тавих дараа нь хуучин машиныг бүрэн хориглох хэрэгтэй.Боловсролтой, уушиггүй ирээдүй хэрэггүй.Бүгдээрээ хүрзээ бариад гаръя.Бид чадна.

Avatar

Зочин 2017-10-25 66.181.176.165

ЯГ ҮНЭН.

Avatar

Хотын уугуул иргэн 2017-10-25 203.169.49.100

Лондонгоос хэдэн арав дахин агаар нь бохирдсон Улаанбаатар хотод л ийм татвар агаар, ус шиг хэрэгтэй байна. Одоо УБ хотын автомашины тоог хязгаарлах цаг аль хэдий нь болсоон.

NewsMN Гар утасны хувилбар Татах
NEWS.mn

Мэдээллийн эх сурвалж