Ерөнхийлөгч Х.Баттулга элчин сайд Ш.Дүппелийг хүлээн авч уулзав | News.MN

Ерөнхийлөгч Х.Баттулга элчин сайд Ш.Дүппелийг хүлээн авч уулзав

Хуучирсан мэдээ: 2017.10.25-нд нийтлэгдсэн

Ерөнхийлөгч Х.Баттулга элчин сайд Ш.Дүппелийг хүлээн авч уулзав

Орон нутгийн сонгууль болоход хагас сар үлдэж, нэр дэвшигчид өнөөдрөөс үнэмлэхээ гардан сурталчилгааныхаа ажилд мордох гэж буй ч мэр сэр газар маргаан, бужигнаан үүсээд байна.

Монгол Улсын Ерөнхийлөгч Х.Баттулга ХБНГУ-аас Монгол Улсад суугаа Онц бөгөөд Бүрэн эрхт Элчин сайд Штефан Дүппелийг өнөөдөр хүлээн авч уулзав.

Монгол, Герман хоёр улс эрт цагийн сайн харилцаатай бөгөөд бүр 100 жилийн өмнө германчууд Монголоос оюутан хүлээн авч сургаж байсан. Мөн БНАГУ гэж байх үед өргөн харилцаатай байсныг Элчин сайд уулзалтын эхэнд дурдлаа. Мөн хоёр талын ардчилал, эрх чөлөөний үнэлэмж ижил байдгийг тэмдэглэсэн юм.

Монгол Улсын Ерөнхийлөгч Х.Баттулга “Хоёр талын хооронд хэдийгээр урт удаан түүхэн харилцаа байдаг ч эргээд харахад эдийн засгийн харилцаа бараг алга. Зээл, тусламж л яригддаг. Монгол Улсын эдийн засгийн харилцаа холбоог Европын холбоо, ХБНГУ-тай хэрхэн өргөжүүлж хамтран ажиллах вэ гэдгийг би бодож байна. Би Барилга, хот байгуулалт, дэд бүтцийн сайд байхдаа дагуул хотын төсөл боловсруулж, зураг төслийг Германы архитекторчоор хийлгэж байсан. Герман бол хот байгуулалт, дахин төлөвлөлтөөр дээгүүрт ордог орон. Саяхан зохион байгуулсан Агаарын бохирдлыг бууруулах Үндэсний чуулган дээр би засаг захиргааны бүтцийг Улаанбаатараас гаргаж дагуул хот руу шилжүүлснээр энэ асуудлаас гарах боломжтой гэдгийг хэлсэн. Мөн ҮХАА-н сайд байхдаа нүүрснээс шингэн түлш гаргах талаар ажиллаж ТЭЗҮ-ийг хийлгэж байсан. Энэ талаар ХБНГУ тэргүүлэх байр суурьтай орон. Эдгээр ажлыг бид хамтарч үргэлжлүүлэх нь чухал” гэлээ.

Элчин сайд Штефан Дүппел Хархоринд явуулж буй хоёр талын хамтарсан археологийн хайгуулын ажлыг Монгол Улсын үе үеийн Ерөнхийлөгч нар ивээлдээ авч ажиллаж ирсэнд талархал илэрхийлээд эдийн засгийн хамтын ажиллагааг өргөжүүлэн тэлэх чиглэлд хамтран ажиллахыг дэмжих нь чухал гэв. Мөн Налайхад байгуулагдан ирэх жил анхны төгсөлтөө хийх гэж буй Герман-Монголын хамтарсан ашигт малтмал, технологийн их сургууль эх оронд нь өндөр мэргэшсэн инженерүүдийг бэлтгэж буй нь эдийн засгийн харилцааны нэг чухал хэлбэр болохыг Элчин сайд онцолж байсан юм.Дэлхийн ур чадварын тэмцээнд өрсөлдсөн монгол ажилчдын ихэнхийг Германд бэлтгэсэн юм байна.

Тэрээр “Сайншандад удахгүй ашиглалтад орох гэж буй салхины эрчим хүч ашиглах паркийг анхнаас нь Германы тал дэмжиж ажилласан” гээд Монгол Улс хараат бус, хүчтэй эдийн засагтай улс болоосой хэмээн хүсч буйгаа илэрхийллээ.

Гадагш түүхийгээр нь гаргадаг түүхий эдээ дотооддоо боловсруулж, нэмүү өртөг шингээн эдийн засгаа тэлэхийн тулд өндөр технологи хэрэгтэй. Ийм өндөр технологи Германд байдаг. Өндөр технологиор ажилгүйдэл, ядуурлыг бууруулах боломж бий гэдгийг Монгол Улсын Ерөнхийлөгч Х.Баттулга уулзалтын үеэр онцолж байв.

Эх сурвалж: President.mn

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-25

zorigiig alsan ter ond yu n hoino yu n urdaa baisniig ilruulvel hen ***h zahialag ogson n hyalbar bolno

Avatar

БАРУУНЫ ДЭЭРЭМЧДИЙГ ЯЛЦГААЯ 2017-10-25 202.179.27.252

ЕРӨНХИЙЛӨГЧ МААНЬ НӨГӨӨ [Хориотой Үг] БАРУУНЫ ДЭЭРЭМЧДИЙГ АЛЦГААЯ ГЭЭД БАЙДАГ ЧИНЬ ӨӨРӨӨ БОЛХООР ХУДЛАА ИНЭЭЧИХСЭН СУУЖ БАЙДАГ.АМАНДАА БАЙ Л ДАА.

Avatar

Air pollution-smoke-sos 2017-10-25 43.242.243.35

Air pollution-smoke of Mongolia's capital is become disastrous as the most polluted city in the world, because of absence of good policy.

Avatar

High techology 2017-10-25 43.242.243.35

Mongolia's economy without high technology is the main reason of poverty! It is really shameful brainless situation.

Avatar

Mongolia's economic default 2017-10-25 43.242.243.35

The reason of of Mongolia's economic default is absence of high technology!

Avatar

Зочин 2017-10-25 83.86.75.235

Germany is always the best. And Holland too.

NewsMN Гар утасны хувилбар Татах
NEWS.mn

Мэдээллийн эх сурвалж