Москва хотын гудамжны мод болон ногоон байгууламжуудад “дархлаа сайжруулах тарилга хийнэ” хэмээн Москва хотын Байгаль орчны хамгаалалт, байгалийн хэрэглээний хэлтсийн дарга Антон Кульбачевский Даваа гаригт сэтгүүлчдэд мэдээллээ. Даваа гаригт Москва хотноо Москва ормын бүсийн экологийн асуудалд зориулсан эрдэм шинжилгээний хурал зохиогдсон бөгөөд энэ хурлын үеэр тэрбээр ийнхүү мэдэгджээ.

“Нийслэлийн мод, ногоон байгууламжид өмнө нь ийм тарилга хийж байгаагүй. Бид гадаад орны туршлагыг судалж байна. Хэр зэрэг зардал гарах, хэр үр дүнтэй байхыг судалж байна. хэр удаан судлахыг мэдэхгүй ч нэг их удахгүй байх” хэмээн Кульбачевский хэлжээ.

Тарилга хэмээн нэрлэж байгаа ч энэ нь ногоон ургамлын амьдралыг дэмжих бэлдмэл байх юм. Европ болон АНУ-д үүнийг амжилттай хэрэглэж байгаа юм.

Эх сурвалж: РИА НОВОСТИ