У.Хүрэлсүх: Төв цэвэрлэх байгууламжийн асуудлыг шийдвэрлэнэ | News.MN

У.Хүрэлсүх: Төв цэвэрлэх байгууламжийн асуудлыг шийдвэрлэнэ

Хуучирсан мэдээ: 2017.10.24-нд нийтлэгдсэн

У.Хүрэлсүх: Төв цэвэрлэх байгууламжийн асуудлыг шийдвэрлэнэ

Ерөнхий сайд Н.Алтанхуяг, Монголбанкийг төлөөлж тус банкны ерөнхийлөгч Н.Золжаргал нар өнгөрсөн аравдугаар сарын 22-нд харилцан ойлголцлын санамж бичиг байгуулсан.

Монгол улсын Ерөнхий сайд У.Хүрэлсүх өнөөдөр Төв цэвэрлэх байгууламжийн үйл ажиллагаа, нөхцөл байдалтай танилцаж, холбогдох албан тушаалтнуудаас мэдээлэл сонсч нэгдсэн шийдвэр гаргаж, асуудал хариуцсан хүмүүст зарим үүрэг даалгаврыг өглөө.

2015 онд Засгийн газрын тогтоолоор төв цэвэрлэх байгууламжийг Концессийн гэрээгээр барихаар шийдвэрлэж, тендер зарлан 5 компани шалгарч эцэст нь Японы “JICA” олон улсын байгууллага, Монгол Францын хамтарсан хөрөнгө оруулалттай “Артелиа Вилл энд транспорт” ХХК-иуд шалгарсан байна. Эдгээр төслүүд нь өөр өөрийн онцлог, давуу талтай талаар асуудал хариуцсан мэргэжилтнүүдийн танилцуулгыг сонсоод Ерөнхий сайд одоо Төв цэвэрлэх байгууламжийн асуудлыг шийдвэрлэж барилгын ажлыг богино хугацаанд эхлүүлэх нь хамгийн чухал нь. Тиймээс өнөөдөр БХБ-ын сайд Х.Баделханаар ахлуулсан ажлын хэсэг байгуулах захирамжийг гаргана. Сонгон шалгаруулалтыг дахин зарлаж, ТЭЗҮ-ийг нь харгалзан хөрөнгө босгож, барилга угсралтын ажлыг ирэх хавар эхлүүлэх нь нэн тэргүүний зорилт байх болно гэлээ. Мөн ирэх сард хөрөнгө оруулагч,доноруудын уулзалтыг Мянганы сорилтын Корпорацитай хамтран зохион байгуулах нь зүйтэй хэмээн үзэж байна гэлээ

Уулзалтын үеэр УИХ-ын гишүүн Байгаль орчин, хүнс, хөдөө аж ахуйн байнгын хорооны дарга Ц.Гарамжав өмнө нь ажлын хэсэг ахалж Төв цэвэрлэх байгууламжийн шалгарсан төслүүдтэй танилцахад Японы JICA Олон улсын байгууллагын ТЭЗҮ оновчтой. Урт хугацаанд чанартай бүтээн байгуулалт хийгдэх нөхцөлтэй байсныг мэдэгдлээ. Харин АНУ-ын Мянганы сорилтын корпорацийн Усны асуудал хариуцсан Ерөнхий захирал Кумар Ранганатан тендерт шалгарсан төслүүдтэй танилцахад Японы төслийнхөн эхний шатанд цэвэрлэх байгууламжийг шинэчилж, дараа нь лагийг зайлуулж, шинэчилсэн цэвэрлэх байгууламжаас гарах лагийг боловсруулах бол Францын “Артелиа Вилл энд транспорт” ХХК төв цэвэрлэх байгууламжийг шинээр барьж, концессын гэрээний дагуу 25-30 жилийн хугацаанд ашиглахдаа 12-15 жилд нь хөрөнгө оруулалтаа нөхнө. Дараа нь монголын талд үнэ төлбөргүй шилжүүлнэ. Саарал усны цэвэршүүлэлтийн хувийг нэмэгдүүлж, Цахилгаан станцуудад дахин ашиглуулснаар эдийн засгийн хэмнэлт гаргана хэмээн тооцсоны дээр шийдвэр гарсан тохиолдолд богино хугацаанд бүтээн байгуулалтын ажлыг эхлүүлнэ гэсэн нь өнөөдрийн нөхцөл байдалд дөхөм төсөл байсан гэлээ.

Ерөнхий сайд эдгээр мэдээллийг сонсоод 2013, 2015 онд төслүүд хийгдсэнээс хойш нөхцөл байдал эрс өөрчлөгдсөн учир шинээр ТЭЗҮ-ийг гаргаж Төв цэвэрлэх байгууламжийг шинэчлэх ажлыг яаралтай эхлүүлэх нь чухал. Энэ асуудал дээр Мянганы сорилтын корпорацитай хамтран ажиллах болно.

Манай Засгийн газар бүрэн эрхийнхээ хугацаанд төв цэвэрлэх байгууламжийн асуудлыг шийдвэрлэнэ. Төслөөс сонголт хийж, хэрэгжүүлэхэд шаардагдах санхүүжилт босгох арга замыг эрэлхийлнэ. Одооноос бэлтгэл хангаж, Олон улсын тендерийг энэ ондоо багтаан зарлаж шалгаруулалт явуулж ирэх хавар гэхэд барилга гүйцэтгэлийн ажлыг эхлүүлэх боломжтой болно. Монгол улсын эрх ашиг Монгол хүний эрүүл мэнд, Үндэсний аюулгүй байдал нэгдүгээрт байх ёстой гэсэн юм.

Төв цэвэрлэх байгууламжийн үйл ажиллагаатай танилцах өнөөдрийн уулзалтанд УИХ-ын Байгаль орчин,хүнс хөдөө аж ахуйн байнгын хорооны дарга УИХ-ын гишүүн Ц.Гарамжав, БХБ-ын сайд Х.Баделхан, БОАЖ-ын сайд Н.Цэрэнбат, ГХ-ны сайд Д.Цогтбаатар, НЗД-ын Ногоон Хөгжил ,агаарын бохирдлын асуудал хариуцсан орлогч Ж.Батбаясгалан, Мэргэжлийн хяналтын ерөнхий газар, Үндэсний хөгжлийн газар, Ус сувгийн удирдах газар зэрэг төрийн байгууллага болон Мянганы сорилтын корпорацийн асуудал хариуцсан захирлууд, Японы “JICA” олон улсын байгууллагын төлөөлөл оролцож мэдээлэл солилцлоо гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

хаха 2017-10-24 49.0.140.92

дахин дахин зарлаад байдаг нь ямар учир байна аа
шалгарсан компаниуд байхад
энэ одоо урд урдын нөхдөөсөө дээрдэх юм байна уу ер нь
нээээх сүртэй болохоос

Avatar

Зочин 2017-10-24 43.242.243.150

Нэгэнт ирүүлсэн саналаас нь шалгаруулаад ажлыг нь эхлүүлж болохгүй байгаа юм уу. Бөөн хугацаа, хөрөнгө, хөдөлдөм алдах нь дээ. Эсхүл дарга нарын цавчаа орохгүй байгаа юм уу?

Avatar

bold 2017-10-24 122.201.20.156

khukiin zasag amraltgui ajillaj bna… chinii minii gehgui mongoloo bodood buh said nar n hodolwol sain l bna

Avatar

875 ТЭРБУМЫН БААС ШЭЭС ЦЭВЭРЛЭГЧ 2017-10-24 202.179.27.214

ФРАНЦ ЯПОН ОРОС АЛЬД НЬ Ч ӨГЧ БОЛНОО. ГЭХДЭЭ Л ХАЙРАН Ч МӨНГӨ ДӨӨ 850 ТЭРБУМ . ЯАХААРАА Ч ТӨСӨВТ ӨРТӨГ НЬ ИНГЭЖ ИХ ӨССИЙМ. ХЭДХЭН ЖИЛИЙН ӨМНӨ 250 ТЭРБУМААР ХИЙНЭ ГЭЖ БАЙСАН. 3,2 ДАХИН ӨНДӨР БОЛЧИХОЖ. ТЭРЭНДЭЭ ТУЛБАЛ МОНГОЛЧУУД ӨӨРСДӨӨ БААС ШЭЭСЭЭ ЦЭВЭРЛЭЖ БАРАХГҮЙ ЮМ УУ. 20 КОМПАНИ НЭГДЭЭД ОРОХОД Л ТУС БҮРТ НЬ 40 -50 ТЭРБУМ ТӨГРӨГИЙН АЖИЛ ИРЭХ НЭЭ ДЭЭ. ЭСВЭЛ АЛЬ НЭГ ГАДНЫ КОМПАНИД ӨГЧӨӨД ТОЛГОЙ ДЭЭРЭЭС НЬ АХИУХАН ХЭДЭН НОГООН ТОГШЧИХСОН НЬ ДЭЭРҮҮ. БАДЕЛХАН САЙДАА.

Avatar

ЦБ дотроос нь шинэчлэх хэрэгтэй 2017-10-24 183.81.171.150

Ус сувгийнхны аманд орж шийд гаргах буруу. Ажилчин албан тушалтангууд нь яг технологийнх нь дагуу ажиллуулж хяналт тавьж чадаж бн уу? Бүгд давхар цалин аваад худлаа цаг өнгөрөөхөөс өөр юм хийж бн уу? Яг цаг цагаараа графикын дагуу технологи дээрээ ажилладаг хүн үгүй дэ. Шинэ ЦБ бариад яг ийм байвал ахиад ЦБ барих уу? Дотоод хяналт, ажлын хариуцлага сүүлийн 10 жил үгүй болсоон. Бүх бурууг үйлдвэрүүдэд өгчихөөд л өөрсдөө огт буруугүй хүмүүс масайгаад дээшээ хараад хэвтэж байх юм.

Avatar

Зочин 2017-10-24 175.116.32.25

нисэхэд үнэртдэг бохироо сонгины голд асгадаг шүү дээ

Avatar

Зочин 2017-10-24 182.160.4.32

Бөөсөнд хутга гаргана гэж нэг бийл дээ, хөөрхий зайлуул Монголчуудын шилж сонгож гаргасан ерөнхий сайд үнэртэж харагддагаар нь цэвэрлэх төхөөрөмжийн асуудлыг шийдэх юм биз дээ. Энийгээ хэлсэндээ хүрээд шийдчихвэл ч бас ч яахав. Үнэртэхгүй, нүдэнд харагдахгүй олон асуудал Монголд олон бий л дээ. Энэ хүн даан түүнийг мэдэх сөхөлгүй юм даа.

Avatar

ялалт 2017-10-24 175.116.32.25

чи битний солиор за

Avatar

Зочин 2017-10-24 27.123.214.90

Дахин ТЭЗҮ хийнэ ч гэх шиг. Гарч ирсэн дарга бүр ингэж балайрах юм. Яагаад энэ францын ч юм уу японыг ч юм уу өгчихөж болохгүй байгаам бэ. Эхнийхээ тендерийн үр дүнг хэлэлцээд ийм шалтгаанаар хасагдлаа гэдгийг дүгнээгүй байж дахин ОУ-ын тендер зарлана гэж эрүүл яриад байна уу эсвэл нөгөө авлигыг нь өгөхгүй гэхээр зориуд унагаагаад байгаамуу. Үнэхээр энэ асуудлыг шийдэх гэж байгаа бол шууд энэ 2 -ын нэгийг нь сонгоод эхлүүлэх л хэрэгтэй ш дээ. Үнэ төлбөргүй шинээр хийж өгье гээд байхад.

Avatar

Зочин 2017-10-24 103.57.95.124

СОНСГОЛОНД АЛЬ 1987 ОНД ҮНЭР НЬ АЙХТАР ГАРДАГ БАЙСАН. ОДОО БОЛ УХААН БАЛАРТМААР БОЛДОГ БОЛСОН. ТЭЦ-4-ИЙН ЯНДАН ХҮНГЭНЭЖ ЭНЭ ҮНЭР НЬ ХАНХАЛХААР ЮМ Ч ЯРИХ АРГАГҮЙ БОЛДОГ БАЙЖ БИЛЭЭ

Avatar

Зочин 2017-10-24 27.123.212.137

Хот эзэн байна уу?Нийслэл хурлын даргатай болсон хотын шинэ дарга хүлээж байна

Avatar

Зочин 2017-10-24 202.9.43.57

Төв цэвэрлэх байгууламжийн асуудлыг шийдвэрлэх нь үнэхээр тулгамлсан асуудал. УБ хот өтгөн, шингэнтэйгээ холилдоод байна. Сүүлийн 2 жил арай дэндүү боллоо. Өмхий үнэр хавь орчиндоо тархсан. Тэр орчмын хүмүүс яаж шүү амьдардаг юм бол доо хөөрхийс. Ерөнхий сайд их чухал үг хэлжээ. Шийдвэртэй арга хэмжээ авахаар төлөвлөж байгаад талархаж байна. Энэ мэтээр тууштай ажиллаарай.

NewsMN Гар утасны хувилбар Татах
NEWS.mn

Мэдээллийн эх сурвалж