Монголын үндэсний олон нийтийн телевиз, МУИС-ийн Мэдээллийн технологийн сургууль, ШУТИС, Оюуны өмчийн газар хамтран “Залуу зохион бүтээгч” нэртэй уралдааныг залуусын дунд зарлалаа. Тус уралдаанд 12-25 насны хүүхэд, залуус баг бүрдүүлж, хүний үйл ажиллагааг хөнгөвчилсөн техникийн шийдлийн санаа гарган, шинэ бүтээл хийж оролцох боломжтой юм байна. Уралдааны бүртгэл ирэх сарын 6-18-ны хооронд үргэлжилнэ. “Залуу зохион бүтээгч” уралдааны тэргүүн байрт орсон баг таван сая төгрөг, ШУТИС болон МУИС-д суралцах эрхээр шагнуулах нь ээ. Харин хоёрдугаар байрт шалгарсан багийг гурван сая, гуравдугаар байрыг нэг сая төгрөгөөр урамшуулж их, дээд сургуульд элсэх эрхийн бичгээр урамшуулах юм байна.