Д.Цогтбаатар АНУ-ын Элчин сайдыг хүлээн авч уулзав | News.MN

Д.Цогтбаатар АНУ-ын Элчин сайдыг хүлээн авч уулзав

Хуучирсан мэдээ: 2017.10.24-нд нийтлэгдсэн

Д.Цогтбаатар АНУ-ын Элчин сайдыг хүлээн авч уулзав

Этгээд хэв маяг бүхий хувцаслалт, хит дуунуудаараа үргэлж анхаарлын төвд байдаг дуучин Лэди Гага бусад хүмүүсийн шүүмжлэл, дургүйцлийг тэр бүр ойшоодоггүй нэгэн билээ.

Гадаад харилцааны сайд Д.Цогтбаатар АНУ-аас Монгол Улсад суугаа Элчин сайд хатагтай Ж.Гаалтыг 2017 оны 10 дугаар сарын 23-ны өдөр хүлээн авч уулзаж, хоёр талын харилцаа, хамтын ажиллагааны асуудлаар санал солилцов.

Сайд Д.Цогтбаатар Монгол Улс, АНУ нь ардчиллыг хөгжүүлэх, хүний эрхийг дээдлэх зэрэг адил үнэт зүйлсийг эрхэмлэж ирснийг онцолж, хоёр талын улс төрийн харилцаа өндөр түвшинд төлөвшин тогтсоныг тэмдэглэж, үүнийг талууд эдийн засгийн хамтын ажиллагаагаа өргөжүүлэн тэлэх хөшүүрэг болгон ажиллахын чухлыг онцлов.

Элчин сайд Ж.Гаалт Гадаад харилцааны сайдаар томилогдож, үүрэгт ажилдаа орсонтой нь холбогдуулан Сайд Д.Цогтбаатарт баяр хүргэж, энэ жил тохиож буй Монгол, Америкийн хооронд дипломат харилцаа тогтоосны 30 жилийн ойн хүрээнд хамтын ажиллагааны олон чухал салбарыг идэвхжүүлэх, түүний дотор соёл, хүмүүнлэгийн ажлуудыг хамтран зохион байгуулж байгааг мэдээллээ.

Элчин сайд хоёр талын харилцааг хөгжүүлэхдээ эдийн засгийн хамтын ажиллагааг тэргүүлэх чиглэл болгоход анхаарч ажиллаж ирснээ дурдаж, энэ хүрээнд Ил тод байдлын гэрээ хүчин төгөлдөр үйлчилж эхэлсэн, талууд Мянганы сорилтын корпорацитай Хоёр дахь компакт гэрээ байгуулахаар бэлтгэл ажлыг идэвхтэй хангаж байгаа талаар тус тус онцлов.

Хоёр тал саяхан эхлүүлсэн АНУ-д “Хариуцлагатай аялцгаая” мэдээлэл, сурталчилгааны аяныг үргэлжлүүлж, эл зорилтыг шинэ агуулга хэлбэрээр баяжуулан олон нийтэд хүргэхийн төлөө хамтран ажиллахаар тохиролцов.

Эх сурвалж: ГХЯ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

АМЕРИКИЙГ АЛЦГАА 2017-10-24 202.179.24.173

ЖЕНКО ЭНЭ АМЕРИКТАЙ УУЛЗААД БАЙСАН ,МОНГОЛЧУУДЫГ ӨДӨӨЖ ТУРХИРДАГААРАА [Хориотой Үг] ГЭЖ ДУУДААГҮЙ БАЙСАН ЮМ УУ? АМЬД ЯВЖ БАЙХ ЧИНЬ.

NewsMN Гар утасны хувилбар Татах
NEWS.mn

Мэдээллийн эх сурвалж