ХОТЫН ЦАГ АГААР

Үүлшинэ. Хур тунадас орохгүй. Салхи баруунаас секундэд 4-9 метр. Өдөртөө 10-12 хэм дулаан байна.

Үс засуулбал эд мал арвижна

Ангараг гараг. Билгийн тооллын 5, Эрхтэний тэнгэрт одтой, хөх бич өдөр. Өдрийн наран 7 цаг 30 минутад мандан, 17 цаг 52 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, хараал, жатхыг буцаах, бүжиг наадам хийх, цэцэрлэг байгуулах, хур оруулах, дарханы үйлд сайн. Хувцас эсгэх, шинэ хувцас өмсөх, зөвлөгөө хийхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна.

ӨНӨӨДӨР БОЛОХ ҮЙЛ ЯВДАЛ

09.00

• “Монгол Улс Үндсэн хуулийн нэмэлт өөрчлөлтийн өмнө” бага хурал Туушин зочид буудалд болно. УИХ-ын гишүүн Д.Лүндээжанцан, Хууль зүйн сайд асан Х.Тэмүүжин, эдийн засагч С.Дэмбэрэл, МУИС-ийн улс төр судлалын тэнхимийн эрхлэгч Ж.Төртогтох нарын оролцох бага хурал 17.20 цаг хүртэл үргэлжилнэ.

09.30

• АШУҮИС-ийн 603 тоотод нийслэлд үйл ажиллагаа эрхэлж буй шүдний эмч нарт ‘Цацрагийн хамгаалалт, аюулгүй байдлыг хангуулах нь’ сэдэвт сургалт зохион байгуулна

10.00

• Ерөнхий сайд У.Хүрэлсүх Ус сувгийн удирдах газрын Төв цэвэрлэх байгууламжийн үйл ажиллагаатай танилцана.
• МҮХАҮТ-ын Их танхимд Монголын бизнесийн орчны судалгааны дүнг танилцуулах уулзалт болно.