Төсвөөс давсан 500 тэрбумыг ингэж хуваарилав

УИХ 2017 оны төсвийн тодотголыг шинэ долоо хоногоос эхлэн эрчимтэй хэлэлцэхээр болоод байна. Энэ оны төсвийн орлого 500 тэрбум төгрөгөөр давсан, зарим хөтөлбөр санхүүжилтгүй болсон зэргээс шалтгаалж төсөвт тодотгол хийж байгаа билээ.

Төсөвт тодотгол хийх хүрээнд 290 тэрбум төгрөгийг зөвхөн Алтай-Дарви чиглэлийн 165 км авто замын концессын гэрээний төлбөрийг шийдэхээр тусгаад байна. Энэхүү гэрээг Н.Алтанхуягийн Засгийн газрын үед хийж байжээ.

Мэргэжлийн Засгийн газар Ерөнхийлөгчийн сонгуулийн өмнөхөн хүүхдийн мөнгийг 100 хувь олгох шийдвэр гаргасан. Ингэхдээ эх үүсвэрийг төсөвт суулгаагүй тул шаардлагатай санхүүжилт болох 104,5 тэрбум төгрөгийг мөн тодотголоор суулгаж байна. Үүнээс гадна анхаарал татаж буй төсвийн зардал бол төрийн албан хаагчийн халаа сэлгээний нөхөн төлбөрт 8,8 тэрбум төгрөг олгохоор болжээ. Энэхүү зардлыг шүүхийн шийдвэрийн дагуу аж ахуй нэгж, иргэнд олгох нөхөн төлбөр нэрээр тодотголд суулгасан байна.

Энэ мэтчлэн 2017 оны төсвийн тодотголд нийт 19 төрлийн зарлага нэмэгдүүлэхээр тусгасан байна.

Харин энэ оны төсвөөс дараах гурван зардлыг бууруулжээ. Үүнд:

Боловсролын зээлийн сангийн оюутны хөгжлийн зээл
Гадаад зээл, тусламжаас санхүүжих төслийн зардал
Зээлийн үйлчилгээний төлбөр

2017 оны Төсвийн тодотгол бүрэн эхээрээ:

Үзүүлэлт	Зарлагын ангилал	2017		Өөрчлөлт
		Тод1	Төсөл	Дүн
		.2.	.3.	=.3 – 2.
Нийт зарлага		8,750.1	9,248.6	498.5
Нэмэгдэж буй томоохон зардлууд:
Улсын төсвийн хөрөнгө оруулалт, концессийн төлбөр	Хөрөнгө оруулалт	563.8	854.6	290.8
Өвс тэжээлийн нөөц бүрдүүлэх	Хөрөнгө оруулалт	Аймгийн нөөцөд 4.5 тэрбум, улсын нөөцөд 4.4 тэрбум		8.9
Жижиг, дунд үйлдвэрлэлийг хөгжүүлэх сан	Эргэж төлөгдөх цэвэр зээл	50.6	123.2	72.6
Тэжээл худалдан авах	Эргэж төлөгдөх цэвэр зээл	36.7	76.7	40.0
Буудайн үрийн нөөц бэлтгэх	Эргэж төлөгдөх цэвэр зээл	36.8	60.2	23.4
Хүүхдэд олгох мөнгөн тэтгэмж	Урсгал	161.5	266.0	104.5
Хоол тэжээлийн тусламж, дэмжлэг	Урсгал	17.6	26.0	8.4
Эмнэлэгийн тусламж үйлчилгээний хамрах хүрээг нэмэгдүүлсэнтэй холбоотой шаардлагатай зардал	Урсгал	Өндөр өртөгт мэс заслын зардлыг ЭМДС-аас нэмэгдүүлэх, Амгалан амаржих 50 ор нэмэгдүүлсэн зардал, ТТАХНЭ-ийн урсгал зардал, Элэгний С вирус, Эрхтэн шилжүүлэх мэс заслын зардал		19.0
Боловсрол, эрүүл мэнд, бусад төсвийн байгууллагуудад үүсэн өр, төлбөрийг барагдуулах	Урсгал	Шинээр байгуулагдсан цэцэрлэгт олгох хувьсах зардал, түлш, халаалт, эрчим хүчний тарифийн нэмэгдэл, ашиглалтын зардал		11.8
Батлан хамгаалах салбарын зарим байгууллагуудын цалингийн зардал	Урсгал	Зэвсэгт хүчний жанжин штаб, цэргийн тусгай эмнэлэгийн цалин		11.3
Засгийн газрын нөөц санг нэмэгдүүлэх /Ерөнхийлөгчийн дахин сонгууль, мөн ойн түймрийн хохирлыг арилгах, малын гоц халдварт өвчинтэй тэмцэх, устгасан малын нөхөн төлбөр/	Урсгал	19.8	33.9	14.1
Шүүхийн шийдвэрийн дагуу иргэд, ААН-д олгох нөхөн төлбөр	Урсгал	–		8.8
Махны үйлдвэрлэлийг нэмэгдүүлэх дэмжлэг	Урсгал	4.6	8.1	3.5
Ойн шавжтай тэмцэх арга хэмжээнд 2017 онд шаардагдах зардал	Урсгал	16.0	19.5	3.5
Зарим суралцагч /нэн ядуу, малчин, 3 суралцагч/-дад олгох сургалтын тэтгэлэг	Урсгал	18.7	22.71	4.0
Зөрчлийн тухай хуулийн хэрэгжилтийг хангахтай холбоотой Гааль, татварын байгууллагад нэмэгдэх чиг үүрэг, бүтэцтэй холбоотой зардал	Урсгал	ГЕГ-ын урсгал зардал нэмэгдсэн		3.0
Авлигатай тэмцэх үндэсний хөтөлбөр хэрэгжүүлэхтэй холбоотой зардал	Урсгал	АТГ-ын урсгал зардал нэмэгдсэн		1.0
Барилгын хийц үйлдвэрлэх хөдөлгөөнт цогцолборын НӨАТ, гаалийн татварын болон зээлийн хүүгийн өглөгийг барагдуулах	Урсгал	“ТОСК”ТӨҮГ-ын импортлосон барилгын хийц үйлдвэрлэх тоног төхөөрөмжийн гааль, НӨАТ болон хүүгийн өглөг /БХЯ/		5.2
Цагдаагийн албан хаагчдын цалингийн сангийн дутагдаж буй эх үүсвэр	Урсгал	ЦЕГ болон төрийн тусгай эмнэлэг		2.4
Буурч буй томоохон зардлууд:
Боловсролын зээлийн сангийн оюутны хөгжлийн зээл	Эргэж төлөгдөх цэвэр зээл	97.1	63.1	-34.0
Гадаад зээл, тусламжаас санхүүжих төслийн зардал	Эргэж төлөгдөх зээл, урсгал зардал	420.3	336.4	-83.9
Зээлийн үйлчилгээний төлбөр	Урсгал	1,181.5	1,136.2	-45.2

Төсвөөс давсан 500 тэрбумыг ингэж хуваарилав

Төсвөөс давсан 500 тэрбумыг ингэж хуваарилав

News.MN

NEWS.mn