Hilton зочид буудлын эзэн тэрбумтан Conrad Hilton, нэрт жүжигчин George Sanders зэрэг есөн нөхөртэй байсан гэдгээрээ алдартай 93 настай жүжигчин Zsa Zsa Gabor эмнэлгээс гарлаа. Тэрбээр Лос-Анжелосын нэгдсэн эмнэлэгт ес хоногийн өмнө баруун хөлөө тайруулсан юм.

“Түүний амь насанд аюултай байсан учраас хөлийг нь тайрахаас өөр арга байгаагүй. Хагалгаа тун амжилттай болсон. Шаардлагатай эмчилгээ асаргааг хийж байгаа. Удахгүй биеийн байдал нь сайжрана гэдэгт итгэлтэй байна” хэмээн хэвлэлийн төлөөлөгч нь ярьжээ.

Zsa Zsa Gabor өнгөрсөн долдугаар сард гэртээ унаснаас болж, сүүжний ясаа гэмтээсэн юм. Түүнээс хойш нэлээд хэдэн удаа хагалгаа хийлгэж байсан ба саяны хагалгаа нь мөн л уг гэмтэлтэй нь холбоотой аж.