УИХ-ын гишүүн Л.Энх-Амгаланг УИХ-ын дэд даргаар сонголоо. УИХ-ын чуулганы нэгдсэн хуралдаанд оролцсон гишүүдийн 98.5 хувь нь УИХ-ын дэд даргаар сонгохыг дэмжиж, саналаа өглөө.
Чуулганы нэгдсэн хуралдааны өмнө УИХ-ын Төрийн байгуулалтын байнгын хороо хуралдаж, УИХ дахь МАН-ын бүлгээс гаргасан саналыг хэлэлцэн, УИХ-ын гишүүн Л.Энх-Амгаланг УИХ-ын дэд даргаар сонгохыг дэмжсэн юм.
Онцлоход, МАН-ын Удирдах зөвлөл өнөөдөр хуралдаж, УИХ-ын дэд даргад УИХ-ын гишүүн Л.Энх-Амгалан, Ж.Энхбаяр, Ч.Улаан нарыг нэр дэвшүүлэхээр болж, бүлэг рүү оруулсан юм.
УИХ дахь МАН-ын бүлгийн хуралдаанд 63 гишүүн оролцсоноос олонх нь Л.Энх-Амгалан гишүүнийг УИХ-ын дэд даргад нэр дэвшүүлэхийг дэмжиж саналаа өгсөн байсан юм.
Төгссөн сургууль, мэргэжил
- 1987 онд Хөвсгөл аймгийн Мөрөн хотын 10 жилийн 2 дугаар дунд сургууль
- 1992 онд ОХУ-ын Санкт-Петербургын их сургууль
- 1996 онд АНУ-ын Дакотогийн их сургууль
- 2002 онд БНСУ-ын Хангдоны их сургууль тус тус төгссөн.
Ажилласан байдал
- 1992-1995 онд МОНЦАМЭ агентлаг, Ил товчоо сонины хариуцлагатай нарийн бичгийн дарга
- 1996 онд Интерпресс ХХК-ийн үүсгэн байгуулагч
- 1996-2012 онд Юнител групп, MCS электроникс ХХК-ийн захирлуудын зөвлөлийн дарга, MCS группын тэргүүн дэд ерөнхийлөгч
- 2012 онд Монгол Улсын ерөнхий сайдын хөдөөгийн бодлого, дэд бүтэц хариуцсан зөвлөх
- 2012-2016 онд Монгол Улсын Их Хурлын гишүүн
- 2012 оноос МАН-ын Удирдах зөвлөлийн гишүүн
- 2016 оноос Монгол Улсын Их Хурлын гишүүн
- 2016 оноос Монгол Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны дарга
- 2017 оноос Монгол Улсын Их Хурлын дэд дарга
Гадаад хэл
- Англи
- Орос
Г.ХОРОЛ