Сар шинийн баярын өмнө Хятадад “сүйт бүсгүйн түрээс” гэсэн шинэ үйлчилгээ гарчээ. Хүссэн хүн бүр баярын өдрүүдэд гэртээ “эхнэр” авч болохоор болж байна. Шинэ үйлчилгээ нь 25-30 насны залуу хүмүүст их таалагдаж байгаа гэнэ. Түрээсийн үнэ нь хоногт 80-3000 юань болж байгаа ажээ.

Сар шинийн баярын өмнө баяраар “сүйт бүсгүй” олох гэсэн залуу хүмүүсийн зарлал интернэтээр ихээхэн гарч байна.

Хятадууд энэ баяраар ах дүү нарын хамт байдаг ба энэ үеэр залуус тэдэнд өөрсдийн гэх сүйт бүсгүйчүүдээ танилцуулах хүсэлтэй байдаг. Дөнгөж саяхан их сургууль төгссөн залуус эхнэртэй болоод тэжээж арчлахад хүнд байгаа учраас баяраар “сүйт бүсгүйг түрээслэх” сонирхол ихтэй байна.