Уншигчдыг татах гаж үгс утга найруулга алдагдуулсаар | News.MN

Уншигчдыг татах гаж үгс утга найруулга алдагдуулсаар

Хуучирсан мэдээ: 2017.10.19-нд нийтлэгдсэн

Уншигчдыг татах гаж үгс утга найруулга алдагдуулсаар

УИХ-ын Эдийн засгийн байнгын хорооны гишүүд МИАТ компанийн үйл ажиллагаатай холбоотой асуудлаар мэдээлэл сонслоо.

Сансрын нисгэгч Гагарин нислэгийн хувцаснаасаа болж нэр нь турсик буюу дотоовчинд “гаагаа” болж үлдсэнийг мэдвэл уурлах л байх даа…

Харин найр наадмын дараа халамцуу нөхдөө гэрт нь хүргэх үүрэгтэй хүнийг морин жолооч буюу можоо гэнэ. Цаашлаад бороохойг суман хар, хулгайчийг дэлбээчин, аялдан дагадаг хүнийг хөзөр, хэчнээн яривч юм ойлгохгүй хүнийг шушмаа, шипи буюу хулгайн зурвасгүй оюутанг морь унасан толгойгүй хүн, хот хоорондын микро автобусыг нисдэг таваг, эцсийн шалгалтыг сүүлчийн буун дуу, таксиг өлөн шар, золбин шар гэж нэрлэсэн нэр үгүүд ч мундахгүй их.

Этгээд үг сонсоход содон, ярилцахад наргиатай нь ч үнэн л дээ. Гэвч  талаас багагүй хувь нь доромж утгатай байхын зэрэгцээ монгол хэлний хэлзүйг гажсан, үгийн утга, найруулгыг алдуулсан байдаг. Тодорхой хэсэг бүлгийнхний наргиа болгон хэрэглэдэг ийм үг хэллэгийг сонин хэвлэлийнхэн  уншигчдын чихийг сэртхийлгэх нэгэн арга болгоод байгаа нь нууцгүй.  Жишээлбэл, “Тэр нь орон сууцны үнийн хөөрөгдөл бий болгож, иргэд үнийн хайчинд орж …, Монголын эдийн засгийг улс төртэй нь хамт нуман тулгуурт оруулсан хямралын талаар…, Хуучны жандаарам зангаа орхиж, иргэндээ үйлчилж суръя.” гэх мэт бичиж байна. Заримдаа бүүр нүүр царайгаа болгон гарчиглаж,  мэдээ, нийтлэлээ ийм этгээд, гаж үгээр гангалсан нь уншигч, бичигчдийнхээ сонирхлыг татсан байж болох ч нийгмийн төлөвшил, нийтийн эх хэлний боловсролд муугаар нөлөөлж,  муухай харагдуулаад байна аа.

Аагтай цай алжаал тайлдаг

Аятай үг сэтгэл татдаг гэх ардын сайхан сургаал бий.

“Егөөтэй 99 тайлбар” номын “Гагарин мэдвэл уурлана даа!”

өгүүллийн хэсгээс

 

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-19 124.158.109.140

Уг нь тийм ч ухаарах сүвтэй хүн үгүй болчихжээ…

Avatar

Зочин 2017-10-19 202.9.40.46

Монгол хэлний багш нар их муу ажиллаад байна уу гэж харах юм. одоо надыг, надын юм гэж насанд хүрсэн боловсролтой баймаар хүмүүс хүртэл солиорцгоох юм. Буруу бичсэн үг өгүүлбэрээ тэр чигт нь мессеж, интернетээр цацаж байна. бас л өөр шиг нь мэдлэггүй,харалган хүмүүс тэрийг нь тогтоогоод л авч байх жишээний.

Avatar

Зочин 2017-10-19 150.129.140.203

Тэгж л орчин цагт нь хөл нийлүүлж ярихгүй бол адлагддаг юм Энд.

NewsMN Гар утасны хувилбар Татах
NEWS.mn

Мэдээллийн эх сурвалж