УИХ-ын чуулганы хуралдаанаар Ж.Цогзолмааг БСШУС-ын сайдаар томилох тухай асуудлыг хэлэлцэж байгаад завсарлалаа. Чуулганыг завсарлуулахын өмнө гишүүд нэр дэвшигчид хандан асуулт тавив.

УИХ-ын гишүүн А.Сүхбат: Бөхийн өргөө бол Монголын ард түмний хандиваар боссон.  Гэтэл өнгөрсөн хугацаанд нэг ч удаа тайлангаа тавьсангүй. Өнөөдөр монгол бөхийн найрааны асуудал цагаандаа гарсан. Энэ асуудлыг анхааралдаа авч, Хууль зүйн сайдтай хамтран ажиллаж шийдээрэй.

Сайдад нэр дэвшигч Ж.Цогзолмаа: Биеийн тамир спортын бодлогыг бэхжүүлэхийн тулд судалгаа явуулах нь зүйтэй. Бөхийн холбооны асуудлыг судалж байж танд хариу өгье. Бөхчүүд ногоон дэвжээн дээрээ жудагтай яваасай гэж монгол эмэгтэй хувьд боддог. Төрийн бус байгууллагын дотоод асуудал руу оролцох бодолгүй байна гэв.

Чуулганы үдээс хойших хуралдаан 15.00 цагаас үргэлжилнэ.

Ж.ЭРХЭС