“Single ladies” -ын бүсгүйчүүд хадамд гарав | News.MN

“Single ladies” -ын бүсгүйчүүд хадамд гарав

Хуучирсан мэдээ: 2017.10.19-нд нийтлэгдсэн

“Single ladies” -ын бүсгүйчүүд хадамд гарав

Чингис хааны төрсөн өдрийг тогтоож, ёслон тэмдэглэх өдөртэй болох гэсэн биш УИХ-ын гишүүд өөр өөрийн шүтэн бишрэгчийн төрсөн өдрийг амралтын өдөр болгохоор “тэмцэцгээж” эхэллээ.

Ганц бие бүсгүйчүүдийн амьдралд тохиолддог жаргал, зовлонг өгүүлсэн  “Single ladies” киноны гуравдугаар ангийг хийх сураг дуулсан үеэс л анхаарал хандуулсныг нуух юун. Энэ нь киноны уран бүтээлчид өмнө нь “Single ladies” киноны хоёр ч ангийг үзэгчдэд хүргэсэнтэй холбоотой биз.

Жүжигчин Г.Ундармаагийн ‘U Film’ уран бүтээлийн нэгдлийн ‘Single ladies’ романтик инээдмийн киноны гуравдугаар анги өчигдөр /2017.10.18/ нээлтээ хийлээ. Уг киноны өмнөх хоёр ч ангийг найруулсан А.Миеэгомбо найруулагчаар нь ажилласан бол продюссерээр нь жүжигчин Г.Ундармаа ажиллажээ. 

Найруулагч А.Миеэгомбо

“Энэ удаа ‘Single ladies’ киноны маань объект нь өөрчлөгдсөн ч ганц бие гурван бүсгүйн аз жаргал, адал явдал цааш үргэлжилнэ. Мэдээж ганц бие бүсгүйчүүдийн амьдралын талаар судалгаа хийж, хүмүүстэй уулзана. Тэр болгоныг зовлон бэрхшээл гэдэг талаас нь биш хөгжилтэй байдлаар хүмүүст мессеж өгөхийг зорьдог. Ганц бие бүсгүйчүүдийн амьдралд илүү олон сонголт, боломж хүлээж байдгийг өгүүлэхийг хүссэн” хэмээн найруулагч А.Миеэгомбо яриандаа онцолж байв. 

Киноны гол дүр болох жүжигчин Г.Ундармаа, А.Туяа, О.Дөлгөөн нар хэвээрээ. Харин жүжигчдийн баг шинэчлэгдсэн нь харагдана. Шинэ газарт тал нутгийн гоо үзэсгэлэн, сайхан бүсгүйн 21 шинжийг агуулсан, уран цэцэн Хадаан бүсгүй, “юань” Юмжир, адуучин залуу Алтангэрэл гээд олон шинэ жүжигчид тогложээ.

Бүтэлгүй хайр дурлалаасаа болж шаналсан Ариунсанаа найзынхаа сэтгэл санааг засах гэж Баян-Өлгий аймгийн зүг жолоо залснаар бүх адал явдал эхэлнэ. Монгол орныхоо үзэсгэлэнт байгалийг биширсэн гурван бүсгүйн гоёмсог, загварлаг даашинзууд үзэгчдийн харааг булаана. Адал явдал хөөсөн гурван бүсгүйн дэгжин хэв маяг киноны турш анхаарлын төвд байсаар. Тэдний гоёсон дэгжин даашинз, монгол үндэсний дээл цаанаа л донжтой.

Гурван бүсгүйн аялал таатай эхэлсэн ч замдаа төөрч, Өвөрхангай аймгийн Найман нуурын хөвөөнөө ирнэ. Шинэ газарт тал нутгийн уугуул иргэдтэй танилцаж, адуучин залуу Алтангэрэлд Гэрэлээ /О.Дөлгөөн /дурлаж, машиныхаа түлхүүрийг санамсаргүйгээр гээснээр тэдний хөгтэй, адал явдал өрнөх аж.

Тэр нутгийн баян авгай “юань” Юмжирын нутгийн газар доорх алтанд шунаж буйг олж мэднэ. Харамсалтай нь, Ари, Сарангуа, Гэрэлээ гуравт тус нутгийн сээтэн Бурмаа, сарлаг Даваагаас өөр туслах хүн үлдэхгүй. Энэ удаа ганц бие бүсгүйчүүд эх орныхоо байгалийн үзэсгэлэнг харуулахын зэрэгцээ газрын доорх баялагаа хайрлан хамгаалахыг зорьсон бололтой. 

Төгсгөлд нь эргэн санахад “Single ladies’ киноны эхний ангид Сарангуа /А.Туяа/ ганц бие амьдралаасаа холдож, гэр бүлтэй болдог. Харин хоёрдугаар ангид карьер, мөнгө, албан тушаал гээд дутуу юмгүй Ариунсанаа ханхүүтэйгээ учирдаг бол энэ удаа хэнэггүй Гэрэлээ /О.Дөлгөөн/ адуучин залууд сэтгэл алдарч, насан туршийн хайртайгаа учирснаар кино төгсөв. 

А.Сүрэн

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-19 202.179.25.126

зүгээр үзэгчийн нүдээр харахад нөр их хөдөлмөр орсон нь илт ч гэсэн хэт олон үйл явдал гараад сүүлдээ яг ямар төрлийн кино юм бээ гэмээр утгаа алдцым шиг санагдсан.

Avatar

Зочин 2017-10-19 202.70.42.110

ymar teneg yum be, kinog ni shuud biched ugtsun bhin, uztsim shig bolchloo. dongoj garch bgaa kinoog ingej biched bhda yahaw dee.!!!!!!!!!!!!! news.mn

Avatar

Har 2017-10-19 150.129.140.19

Ene undarmaa gej jujigchin yostoi uguiee. Yamar ch ev hambagui, face deer bujigleel, unen tsarai muutai, avgai tsarailchaad. Iim ch jujigchintei baih gej chaavaas…

Avatar

Зочин 2017-10-19 202.70.43.138

Боловсрол, хүмүүжлийн ямар ч ач холдогдолгүй кино байна лээ. Ерөнхийдөө өөрсдөд нь таарсан хүмүүст л зориулсан шог гараа юм уу даа.

Avatar

Зочин 2017-10-19 27.123.214.92

Doorh 2 odoo udriin hooloo kaif tai idsen gj barihad ch belen bn.ingj hun muulj kaif abdg ulsuud buur olshirch

Avatar

Зочин 2017-10-19 202.131.243.186

2 анги нь ч арай биш ээ .

Avatar

Зочин 2017-10-19 202.21.106.152

ИЙМ БАЛАЙ ЮМ ХИЙХЭЭ БОЛЬЦГОО!!! КИНО ГЭЖ НЭРЛЭХЭЭСЭЭ ИЧЭЭЧ!!!

Avatar

Зочин 2017-10-19 202.21.106.134

Хүмүүс үзэж, мөнгө олж чадаж байгаа учраас ахин хийж байгаа шүү дээ

NewsMN Гар утасны хувилбар Татах
NEWS.mn

Мэдээллийн эх сурвалж