Вакциныг хугацаанд нь хийлгэвэл дархлаа тогтоно | News.MN

Вакциныг хугацаанд нь хийлгэвэл дархлаа тогтоно

Хуучирсан мэдээ: 2017.10.18-нд нийтлэгдсэн

Вакциныг хугацаанд нь хийлгэвэл дархлаа тогтоно

Optimus G өнгөрсөн сард LG компанид гуравдугаар улирлын ашгийг авчирлаа.

Хүйтний улирал эхэлж ханиад, томууны өвчлөл ихэсч байгаатай холбогдуулан дархлаажуулалтын аравдугаар сарын 10-20-нд “Томууны  эсрэг дархлаажуулалт” арав хоногийн аян зарласан. Нийслэлийн эрүүл мэндийн газрын дархлаажуулалтын  мэргэжилтэн Ж.Энхцэцэгтэй вакцин хийлгэхэд юуг анхаарах хэрэгтэй талаар ярилцаж, эцэг, эхчүүдэд зориулсан зөвлөмж авлаа.


-Дархлаажуулалтын арав хоногийн хугацаанд ямар ажил өрнөх вэ? Гол нь иргэд энэ аяныг хэр хүлээн авч, оролцоотой байна вэ?

-Жил бүрийн хавар, намрын улиралд дархлаажуулалтын өдрүүдийг зарлан, зохион байгуулдаг. Вакцин үйлдвэрлэгч орноос цувж ирж байгаа учраас бид  эхний ээлжинд  жирэмсэн ээжүүдэд, дараагийн ээлжинд эрүүл мэндийн байгууллагын бүх ажилчдыг энэ удаагийн аяны хүрээнд дархлаажуулалтад хамруулна. Мөн  дүүргүүдийн өвчлөлийн байдал, газрын нутгийн байршил зэргээс хамаарч, сонгогдсон цэцэрлэгийн хүүхдүүдэд 24 мянган тун вакцин, сургууль, цэцэрлэгийн багш  нарт 27 мянга орчим тун, эрсдэлт бүлгийн ажил эрхэлдэг Онцгой байдлын ерөнхий газар, Хил  хамгаалах ерөнхий газар, Мэргэжлийн хяналтын ерөнхий газар, Нийслэлийн тээврийн газар гэх байгууллагуудад 15 мянга орчим тун  вакцин хийхээр төлөвлөж байна.

Нийслэлээс нийт 100 гаруй мянган тун хийх тушаал гарсан. Түүнээс гадна  энэ арав хоногийн хугацаанд ЕБС-ийн долоон настай хүүхдүүдэд сахуу, татрангийн вакцины нэгдүгээр тунг хийнэ. 15 настай хүүхдүүдэд сахуу, татран вакцины хоёрдугаар тун буюу дархлал сэргээх тунг, мөн улаан бурхнаас сэргийлэх вакциныг давхар хийнэ.

-Хаанаас авчирч байгаа вакцин бэ?

-Дэлхийн эрүүл мэндийн байгууллагын шаардлагад нийцсэн АНУ, Австрали, Хятадад үйлдвэрлэгдсэн  вакцинуудыг хэрэглэж байгаа.

-Томууны вакцин хэдэн төрлийн  халдвараас хамгаалдаг юм бэ?

-Засгийн газраас баталсан заавал хийх дархлаажуулалтын үндэсний товлолд хүүхдүүд  хамрагдсанаар халдварт өвчнөөс сэргийлэх бүрэн боломжтой. Тухайлбал, 13 халдварт өвчнөөс сэргийлэх долоон төрлийн вакцин хийдэг. Сүрьеэ, халдварт саа, В гепатит, А гепатитын  вакцин, сахуу, хөхүүл ханиад, татран, В гепатит, улаан бурхан, гахайн хавдар, улаануудын хавсарсан вакцин, сахуу татрангийн эсрэг гэсэн долоон төрлийн вакцин хэрэглэдэг гэсэн үг.

-Заавал хийх дархлаажуулалтын үндэсний товлолоос хоцорсон хүүхдүүд нөхөн вакцинд хамрагдах боломжтой юу? Эцэг, эхчүүд  вакцинаас хоцорлоо гээд орхих тохиолдол байдаг.

-Боломжтой байлгүй яахав. Тухайн хүүхдийн наснаас шалтгаалаад тохирох вакциныг хийгээд явна. Эцэг, эхчүүд вакцинаас хоцорлоо гээд хаячихаж болохгүй ээ. Энэ талаар мэдээлэлтэй байх хэрэгтэй.

-Хүүхдүүд товлосон хугацаанд тогтмол вакцинд хамрагдсанаар дунджаар хэдий хугацаанд дархлаа тогтдог вэ?

-Яг тогтсон хугацаанд вакцинд хамрагдсанаар 95-аас дээш хувийн дархлаа тогтох боломжтой гэж үздэг. Гэхдээ 15 жилийн  дараа нийт хүмүүсийн дархлалын түвшин буурах хандлага байдаг. Тэр үед нь нэмэлт вакцин хийснээр дархлалын түвшин тогтож эхэлдэг. Бүх вакцин 100 хувийн дархлаа тогтооно гэж байхгүй. Хүн бүрийн биеийн онцлог, идэж буй хоол хүнс, вакцин тарьж байгаа хүний арга техник зэрэг олон хүчин зүйлээс шалтгаалаад дархлал бага тогтох, огт тогтохгүй байх зэрэг асуудлууд гардаг. Сургууль, цэцэрлэгийн вакцин хийгдэж байгаа энэ үед эцэг, эхчүүд хүүхдэдээ томууны вакцин хийлгэе гэж бодож байгаа бол давхар хийгдэж байгаа вакциныг нэг өдөрт хийлгэх хэрэгтэй. Тодруулбал, томууны вакцин хийлгэх гэж байгаа бол товлолын вакцинтай нэг өдөр давхцан хийлгэх хэрэгтэй гэсэн үг юм. Эсвэл дараагийн вакцин хийлгэтэл нэг сар хүлээх хэрэгтэй. Нэг сарын дотор хоёр вакцин хийлгэвэл өмнө нь хийсэн вакциныхаа дархлааг алдагдуулдаг.

-Вакцин хийлгэсний дараа ямар дэглэм барьж, анхаарах ёстой вэ?

-Томууны вакцин хийлгэснээс 14 хоног юм уу, нэг сарын дотор дархлаа  тогтож эхэлнэ. Нэг сарын дараа бүрэн дархлаа тогтоно гэсэн үг. Ер нь  ихээр ажиглагддаг зүйл  гэвэл хүмүүс вакцин хийлгэснээс 14 хоногийн дараа  дархлаа тогтож эхэлж байхад нь ханиад  хүрчихдэг. Тэгэхээр энэ хугацаанд гам сайн барих хэрэгтэй. Олон нийтийн газраар явж байгаа бол амны хаалт зүүх, дулаан хувцаслах, гарын ариун цэвэр сахих, хүүхдийн дархлааг дэмжихдээ эмээр биш, хоол хүнсэндээ шим тэжээлтэй, жимсний шүүс зэргийг хэрэглэх хэрэгтэй. Хүүхдийн гарын ариун цэврийг маш сайн сахиулах нь чухал. Халдварын вирус гараар л дамждаг шүү дээ. Иймэрхүү энгийн зөвлөмжийг хэрэглэхээс гадна, дээр дурьдсанчлан хамгийн найдвартай арга бол вакцин  хийлгэх юм  шүү. Томууны вакцин хийлгэсэн тохиолдолд дархлаа нэг жил тогтоно. Дараа жил  нь өөр вирус эргэлтэд орж эхлэх учраас дахиад өөр вакцин хийлгэх хэрэгтэй.

-Хүний биеийн онцлогоос шалтгаалаад дархлаажуулалт хийсний дараа халуурах шинж тэмдэг илэрдэг. Энэ нь хэвийн үзэгдэл үү ?

-Томууны вакцин гаж нөлөө илрэх нь бага. Гэхдээ зарим тохиолдолд вакцин хийлгэсний дараа гаж нөлөө илэрч магадгүй тул эмч нар 15 минутын турш суулгаж ажигладаг. Мөн вакцин тарьсан хэсэгт бага зэрэг хөндүүрлэх, хавдах, улайх, бага зэрэг халуурах зовуурь илэрдэг. Үүнийг вакцинд үзүүлэх бие махбодын хариу урвал сайн явагдаж байна гэж үзэж болно. Энэ хариу үйлдэл нь нэг юм уу, хоёр хоногийн дараа арилдаг. Хэрэв үүнээс олон хоног болбол эмчид хандах хэрэгтэй.

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

аутизм 2017-10-18 80.144.101.2

Вакцинууд олон ноцтой дагалдах сөрөг үр дагавруудтай байдаг. Үүнд аутизм, хэт идэвхжилтийн хам шинж, ямар нэг зүйлд анхаарлыг нь төвлөрүүлэхэд хэцүү болж асуудлууд үүсэх, дархлааны болон сэтгэлзүйн архаг өвчнүүд, диплекс, харшлууд, хорт хавдар болон бусад өвчнүүдийн нэг гол шалтгаан болоод байгааг мэргэжлийн хүрээнд нэгэнт хүлээн зөвшөөрсөн байна

http://www.old.bolor.info/policy-and-economica-in-our-life/35-policy-a-economica-in-our-life/245-vaccinekillers

Avatar

дархлалын унаган системийг гэмтээж, хамааралтай болгодог 2017-10-18 80.144.101.2

хүүхэд нялхсын эндэгдэл, өвчлөл газар авч байгаа эгзэгтэй энэ үед уг өвчний эсрэг вакцинаар хэдийнээ тариулсан хүүхдүүд яагаад өвчлөөд байна вэ гэдгийг сайтар эргэцүүлж, мөн "улаан бурхны вакцинд хүүхдүүдээ сайн хамруул" гэх зөвлөгөөг яаран дагахаасаа өмнө 50 чухал мэдээллийг агуулсан энэхүү нийтлэлийг уншихыг зөвлөж байна
Вакцинжуулалт нь “хүүхдийн гэнэтийн үхлийн синдром”-ын нэг гол шалтгаан болж байгааг олон улсын эрдэмтдийн судалгааны ажлууд харуулж байна
Хүүхдийн хөгжиж байгаа тархинд вакцин маш хүчтэй нөлөөлдөг. Вакцин хийлгэх нь хэл ярианы гажиг, биеэ авч явах байдал нь хэвийн бус болж бүүр оюун ухааны хоцрогдолд ч хүргэж болдог байна. Хүүхдүүдэд вакцин хийж байгаа нь тархины олон янзын өөрчлөлтүүд, хэвийн бус хөгжилд хүргэж болохыг олон тооны судалгаанууд хөдлөшгүй баталсан байдаг байна. Жирэмслэлтийн 3 дахь 3 сараас 2 нас хүртлээ хүүхдийн тархи хурдан хөгжиж эхэлдэг тул энэ үед вакцин хийлгэх нь маш их эрсдэл болж байгаа юм

Avatar

ВАКЦИНЖУУЛАЛТЫН ТУХАЙ ҮНЭНИЙГ МЭДЬЕ ГЭВЭЛ... 2017-10-18 80.144.101.2

ВАКЦИН ХИЙЛГЭСЭН ХҮҮХДҮҮД ХИЙЛГЭЭГҮЙГЭЭСЭЭ 2-5 ДАХИН ИХ ӨВДДӨГ БОЛОХЫГ ЭРДЭМТЭД ТОГТООЖ БАЙЖЭЭ
Гадаадын олон эрдэмтэд, судлаачдын хийсэн судалгаанууд нь дархлаа тогтоодог гэж хүмүүст ойлгуулж сурталчилдаг вакцинжуулалт нь үнэн хэрэг дээрээ ямар ч эерэг дүнд хүргэхгүй байсаар ирсэн, харин ч дагалдах олон сөрөг нөлөө, алсын хор уршигтай үр дагавруудад хүргэж байгаа олон тохиолдлуудыг баталж баримтжуулсан байдаг байна.

http://www.old.bolor.info/policy-and-economica-in-our-life/37-our-present-a-future/105-truthaboutvaccines

Avatar

зочин 2017-10-18 150.129.140.117

Манай 2 ач Интермед, Баянгол эмнэлэгт тусдаа вакцин хийлгэсэн. Том ннь 1 сар гаруй болсны дараа цэцэрлэгт яваад хэд хоногийн дараа ханиад нь хүрээд хүндэрч эмнэлэгт хэвтсэн. Дүү нь вакцин хийлгээд 2 долоо хоног орчим болоод цэцэрлэгт яваад ханиад хүрээд хатгаа болоод эмнэлэгт хэвтлээ. Энэ эмнэлгүүд хаанахын ямар вакцин хийж байна аа? Ер нь бид буруудсан бололтой.Урьд нь аль аль /3 нас, 1,7 сартай/нь ханиад хүрч байсан, эмнэлэгт хэвтэж байгаагүй, эм ууж байгаад эдгэдэг байсан Эмнэлэгт эмчилж байсан эмч хэлэхдээ вакцин хийлгэсэн хүүхдүүд хүндэрч ирж байна гэсэн. Би хүүхдээ буруутгаад байгаа, хийлгэх хэрэгтэй байсан юм уу гэж. ҮҮнээс болж сэтгэл санааны, санхүүгийн дарамт ирж байна.

NewsMN Гар утасны хувилбар Татах
NEWS.mn

Мэдээллийн эх сурвалж