Трампын хөрөнгө 600 саяар хорогджээ | News.MN

Трампын хөрөнгө 600 саяар хорогджээ

Хуучирсан мэдээ: 2017.10.18-нд нийтлэгдсэн

Трампын хөрөнгө 600 саяар хорогджээ

“Сэнди” хэмээх хар салхи өнгөрсөн 25-нд Ямайкийг ниргэснээс хойш Гайти, Багам, Пуэрто-Рико, Доминикан, Куба зэрэг улсуудыг дайрч ихээхэн хэмжээний хохирол учруулжээ.

Америкийн баячууд улам бүр хөрөнгөжсөөр байна. Гэхдээ Дональд Трампаас бусад нь.

Forbes сэтгүүл “АНУ-ын хамгийн баян 400 хүн” жагсаалтаа шинэчлэн танилцуулав. Түүнд дурьдсанаар тэрбумтан ерөнхийлөгчийн хөрөнгө өнгөрсөн жилийнхээс 600 сая ам.доллараар хорогдож, 3.1 тэрбум болсон гэнэ. Ингэснээр жилийн өмнө жагсаалтын 156-д эрэмбэлэгдэж байсан төрийн тэргүүн 92 байр ухарч, 248 дугаарт бичигджээ.

Нью-Йоркийн үл хөдлөх хөрөнгийн зах зээл таагүй нөхцөлд байгаа, мөн шүүхийн асуудлаар хуульч, өмгөөлөгч нарт өндөр үнэ төлсөн боловч их хэмжээний төлбөрт унасан, ерөнхийлөгчийн сонгуулийн сурталчилгаанд асар их мөнгө зарлагадсан зэрэг шалтгаанаар Трампын хөрөнгө багассан гэж Forbes дүгнэжээ. 

АНУ-ын баячуудын хөрөнгийг бүхэлд нь авч үзвэл чамгүй хэмжээгээр өссөн байна. Жагсаалтад нэр нь багтсан 400 эрхмийн хөрөнгө нийлээд 2.7 их наяд ам.доллар болсон нь шинэ рекорд гэнэ. 

Жагсаалтыг Microsoft-ыг үүсгэн байгуулагч Билл Гейтс 89 тэрбумын хөрөнгөөр тэргүүлж, араас нь Amazon-ы Жефф Безос /81.5 тэрбум/, Walmart-ын Уоррен Баффет /78 тэрбум/ нар бичигдсэн байна.

Facebook-ийн босс Марк Цукерберг хөрөнгөө хамгийн ихээр арвижуулсан эрхмээр нэрлэгджээ. Forbes сэтгүүлийн тооцооллоор Цукерберг нэг жилийн хугацаанд хөрөнгөө 15.5 тэрбум ам.доллараар ихэсгэж чадсан. Ингэснээр түүний хөрөнгө 71 тэрбумаар үнэлэгдэж байна.

АНУ-ын хамгийн чинээлэг 400 хүний хамгийн залуу нь Snapchat-ыг санаачлагч, 27 настай тэрбумтан Эван Шпигел. Тэрбээр 3.1 тэрбум ам.долларын хөрөнгөөр жагсаалтын 248 дугаарт бичигджээ. Харин хамгийн ахмад нь 94 настай Александр Спанос. Тэрбээр орон сууцны барилгаар хөлжсөн нэгэн бөгөөд өдгөө америк хөлбөмбөгийн “Сан Диего Чаржерс” багийн эзэн юм. 

С.ЦЭЛМЭГ
 

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-18 202.21.117.230

Walmart- ын Уоррен Баффет ?

Avatar

Зочин 2017-10-18 103.229.122.64

Энэ трамп Улс манаж чадахгүй юм байна Тэхээр хөрөнгөө манаад сууж баймаар юм байна даа !!!

Avatar

зочин 2017-10-18 66.181.160.29

Манай ерөнхийлөгчийнх өссөн дүнтэй гарндаа

Avatar

1 2017-10-18 122.201.20.195

156-д эрэмбэлэгдэж байсан төрийн тэргүүн 92 байр ухарч, 248 дугаарт бичигджээ. Эван Шпигел. Тэрбээр 3.1 тэрбум ам.долларын хөрөнгөөр жагсаалтын 248 дугаарт бичигджээ 248 d 2r hun bichigdsen gsen uguu hahaaha

Avatar

Зочин 2017-10-18 202.131.235.4

АНУ мандтугай

NewsMN Гар утасны хувилбар Татах
NEWS.mn

Мэдээллийн эх сурвалж