Өнгөрсөн долоо хоногт Увс аймгийн Засаг даргын тамгын газраас энэ онд хийх бүтээн байгуулалтын ажлын нээлт боллоо.Энэ үеэр Засаг дарга Э.Цасчихэр “Хэлтэс, агентлаг болон төсөвт газрууд, аж ахуйн томоохон нэгжүүдийн удирдлага бусад хүмүүсийг оролцуулсан нь бүтээн байгуулалтын ажлыг нийт иргэдийг өргөн оролцуулсан, эрч далайцтай болгох зорилготой” гэж онцолж байв.

Тус аймагт 2012 оны эцэс хүртэл түүхэндээ хамгийн их буюу 70 гаруй тэрбум төгрөгийн томоохон бүтээн байгуулалтын ажил хийгдэх бөгөөд энэ онд 14 тэрбум төгрөгийн ажил хийгдэх ажээ. Энэ онд ажлын байр бий болгох чиглэлээр 400,0 сая хүртэл төгрөгийн хөнгөлттэй зээл олгох, сум бүр жижиг дунд үйлдвэр хөгжүүлэхэд зориулж 50,0 хүртэл сая төгрөг зарцуулах, Улаангомоос Тосонцэнгэлийн чиг­лэлд тавих 100 км хатуу хучилттай замын хайгуул судалгаа хийх, шинэ нисэх буудал ашиглалтанд оруулах, Боршоо Хандгайтын гааль олон улсын статустай болж шинэ барилга, тоног төхөөрөмж байрлуулах,Улаангомын Дулааны хоёр дахь эх үүсвэр барьж байгуулах зэрэг томоохон ажлууд хийгдэх юм байна.