“Бэйтоу” хиймэл дагуулын системийг онгоцонд туршлаа | News.MN

“Бэйтоу” хиймэл дагуулын системийг онгоцонд туршлаа

Хуучирсан мэдээ: 2017.10.16-нд нийтлэгдсэн

“Бэйтоу” хиймэл дагуулын системийг онгоцонд туршлаа

Гадаадын иргэн харьяатын асуудал эрхлэх газар энэ сард 152 гадаадын иргэнийг буцаасан байна.

БНХАУ бие даасан судалгааны “Бэйтоу” хиймэл дагуулын удирдлагын системээ өөрсдийн бүтээсэн зорчигч тээврийн нисэх онгоцны ARJ21-700 загварын 103 дахь онгоцонд туршлаа. Энэ сарын 14-нд хийсэн туршилт амжилттай болсон байна. Тус туршилтаар ARJ21-700 загварт тулгуурлан, олон улсын иргэний агаарын тээврийн стандарт, Хятадын иргэний агаарын тээврийн техникийн стандартын шаардлагын дагуу нисэх онгоцонд “Бэйтоу” хиймэл дагуулын удирдлагын хүлээн авагч болон ажиллагааг шалгасан байна. Мөн “Бэйтоу”-д үндэслэн систем, чадвар, мэдээллийг сайжруулахыг зорьжээ.

Туршилтын үр дүнгээс харахад, Хятадын дотоодын үйлдвэрлэл гадаадын ижил төстэй системийн түвшинд хүрсэн аж. Тэр дундаа богино хугацаанд олон улсад тэргүүлэх байр суурь эзлэх болсон гэнэ.

Сонирхуулахад, Хятад улс өөрийн бүтээсэн иргэний агаарын тээврийн зориулалттай энэ онгоцоороо 2015 оны тавдугаар сараас үйлчилж эхлэх эрхтэй болжээ. Хятадын төрийн өмчийн Комак компанийн 12 жилийн турш хийж, хөгжүүлсэн ARJ21-700 загварын онгоц нь зургаан удаагийн нисэх шалгалтыг амжилттай давж, зорчигч тээвэрлэж, нислэг үйлдэх зөвшөөрлөө авсан байна. 90 хүний суудалтай уг онгоцоор орон нутгийн нислэгүүдийг үйлддэг аж.

Эх сурвалж: CCTV

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж