"АХБ-ны 1,2 тэрбум долларын санхүүжилт орж ирлээ" | News.MN

"АХБ-ны 1,2 тэрбум долларын санхүүжилт орж ирлээ"

Хуучирсан мэдээ: 2017.10.16-нд нийтлэгдсэн

"АХБ-ны 1,2 тэрбум долларын санхүүжилт орж ирлээ"

Өмнөд Солонгосын “Samsung” компанийн Galaxy сүүлийн гурван сард смартфоны зах зээлд тэргүүлэн дээд амжилт тогтоогоод байгааг өнөөдөр тус компанийн эх сурвалжуудад мэдээлжээ.

Монгол Улсын Ерөнхий сайд У.Хүрэлсүхийн зөвлөх Н.Энхбаяр өнөөдөр /2017.10.16/ мэдээлэл хийлээ. Азийн хөгжлийн банк /АХБ/ 2017-2020 онд Монгол Улсад 1.2 тэрбум ам.долларын санхүүжилт хийх болсон бөгөөд энэхүү санхүүжилт ямар чиглэл, зориулалттай байх талаар танилцууллаа. Эдийн засаг, нийгмийн тогтвортой байдлыг хангах, эдийн засгийн төрөлжилтийг дэмжих, дэд бүтцийг хөгжүүлэх, байгаль орчны тогтвортой байдлыг хангах гэсэн үндсэн гурван багц асуудалд төвлөрч санхүүжилт олгохоор болсон байна. Үүний дараа сэтгүүлчдийн асуултад хариулт өглөө. 

-АХБ өнгөрсөн 25 жилийн хугацаанд манай улсад 1.9 тэрбум ам.долларын санхүүжилт олгож байсан бол энэ удаад 3 жилийн хугацаанд 1.2 тэрбум ам.доллар олгох боллоо. Ямар шалгуураар энэ шийдвэрийг гаргав?

-Монгол Улс 1990-1991 онд зах зээлийн эдийн засагт шилжээд олон улсын банк санхүүгийн байгууллагад анх элссэн. Хамгийн эхэнд элссэн байгууллага нь Дэлхийн банк, ОУВС, АХБ байсан. Олон улсын банк санхүүгийн байгууллагатай хамтарч ажилласнаас хойш өнөөдрийн байдлаар 25 жил болж байна. Дөрвөн жил тутамд бид хамтын ажиллагааны стратегиа тодорхойлж ирсэн. Энэ хүрээнд АХБ-ны суурин төлөөлөгч Ерөнхий сайд У.Хүрэлсүх уулзаж, ирэх дөрвөн жилийн стратегиа ярилцсан. Суурин төлөөлөгч уулзалтын үеэр өнгөрсөн 25 жилийн хугацаанд Монголд нийтдээ 2 тэрбум орчим ам.долларын төсөл, хөтөлбөр хэрэгжүүлж байсан бол ирэх дөрвөн жилийн хугацаанд 1.2 тэрбум ам.долларын санхүүжилт хийх болсноо онцолж хэлсэн. Эдийн засгийн хүндрэлийг даван туулж байгаа Монгол Улсын хүчин чармайлтыг олон улсын байгууллагууд бүхий л бололцоогоороо дэмжиж байгаа. ОУВС-гийн хөтөлбөр ирэх жил орчим хэрэгжээд эдийн засаг тогтворжино. Цаашдаа АХБ, Дэлхийн банк тогтвортой өсөлтийг улам баталгаажуулах, эдийн засгийг төрөлжүүлэхэд илүү гүнзгийрүүлсэн хамтын ажиллагаа хэрэгжүүлэхээр дээрх шийдвэрийг гаргасан.

-Нийт 25 жилийн санхүүжилттэй дүйцэхүйц энэ их хэмжээний мөнгийг юунд зориулахаар тохиролцсон бэ?

-Монгол Улс 2017-2020 он хүртэл АХБ-тай хамтран ажиллах стратегийн бичиг баримтаа тохирч, хэрэгжүүлж эхлээд байна. Ирэх дөрвөн жилийн гол зорилго нь эдийн засгийн тогтвортой өсөлтийг хангах юм. Эдийн засаг, нийгмийн тогтвортой байдлыг хангах, эдийн засгийн төрөлжилтийг дэмжих, дэд бүтцийг хөгжүүлэх, байгаль орчны тогтвортой байдлыг хангах гэсэн үндсэн гурван багц асуудалд төвлөрч ажиллана. Нийтдээ 1.2 ам.доллартай тэнцэхүйц хэмжээний төслийг хэрэгжүүлэхээр болсноос одоогийн байдлаар Эдийн засаг, нийгмийн тогтвортой байдлыг хангах хүрээнд 246 сая ам.долларын 10 гаруй төсөл хэрэгжиж эхлээд байна. Эдийн засгийн төрөлжилтийг дэмжих, дэд бүтцийг хөгжүүлэх хүрээнд 328 сая ам.долларын 12 төсөл хэрэгжиж байгаа. Ирэх 2018-2019 онд Эдийн засаг, нийгмийн тогтвортой байдлыг хангах чиглэлээр 500 орчим сая ам.доллар, Эдийн засгийн төрөлжилтийг дэмжих, дэд бүтцийг хөгжүүлэх чиглэлээр 290 гаруй сая ам.долларын хөнгөлөлттэй зээл, техникийн туслалцаа үзүүлнэ.

-Хэрэгжүүлэх төсөл, хөнгөлөлттэй зээл ямар салбар, чиглэлийг хамрах вэ?

-АХБ ажлын байрыг дэмжих, ЖДҮ-ийг дэмжих чиглэлээр багагүй хөнгөлөлттэй зээл олгодог. Энэ төслүүд үргэлжлээд явна. Мөн олон жилийн турш хэрэгжүүлэхээр зорьж буй мэргэжилтэй ажилчныг бэлтгэх, МСҮТ-үүдийг дэмжих чиглэлээр төсөл, хөтөлбөрүүд цаашдаа хэрэгжинэ. Эдийн засгийн төрөлжүүлэх чиглэлээр ХАА-н салбарт нэмүү өртгийн сүлжээг бий болгоход зориулсан төсөл хөтөлбөр хэрэгжүүлнэ. Үүнээс гадна хот, нийтийн аж ахуй, дэд бүтцийг хөгжүүлэхэд АХБ техникийн туслалцаа үзүүлж ирсэн. Энэ чиглэлийн хамтын ажиллагаа үргэлжилнэ. Үндсэндээ ирэх гурван жилийн хугацаанд Эдийн засаг, нийгмийн тогтвортой байдлыг хангах, Эдийн засгийн төрөлжилтийг дэмжих, дэд бүтцийг хөгжүүлэх гэсэн эхний хоёр чиглэлийн хүрээнд 800 гаруй сая ам.долларын хөнгөлөлттэй зээл олгоно.

-Хөнгөлөлттэй зээлийн нөхцөл, хүү ямар байх вэ?

-Олон улсын байгууллагын зээл учир өмнөх жилүүдийн адил нэн хөнгөлөлттэй байна. Төсөл тус бүрээр батлах учир тухайн үед нөхцөл тогтоно. Гэхдээ урт хугацааны зээл учир маш хөнгөлөлттэй, бага хүүтэй байна.

-Эдийн засаг тогтворжиж, өсөлт нэмэгдэх хэрээр гадаадын хөрөнгө оруулагчдын итгэл сэргэх хандлага анзаарагдаж байна уу?

-Өнгөрсөн дөрвөн жилийн турш Монгол Улсын эдийн засаг уруудах хандлагатай байсан. 2015 онд ОУВС-тай хөтөлбөр тохирох талаар ярилцсан ч амжилттай болоогүй. Ингээд өнгөрсөн хавар ОУВС-тай хөтөлбөр тохирч, хэрэгжүүлээд явж байна. Тодорхой улс төрийн шалтгаантай төсөл, хөтөлбөр удаашралтай явж байгаа. Гэсэн ч энэ долоо хоногт АНУ-ын Вашингтон хотод болж буй Дэлхийн банкны жилийн уулзалтын үеэр манай улсад хэрэгжиж буй ОУВС-гийн эхний шатны хөтөлбөрөө эцэслэн дүгнэхээр тохиролцоонд хүрч байна. ОУВС-гийн ажлын хэсэг ирэх долоо хоногоос манай улсад ирж, энэ сарын сүүлээр хөтөлбөрөө дүгнээд дараагийн шат руугаа орно. Тэгэхээр энэ нь хөрөнгө оруулагчдад маш таатай мэдээлэл болж байгаа. Ирэх онд тулгамдаад байгаа Засгийн газрын бондыг хөрвүүлэх ажилд маш чухал хөрс суурийг бүрдүүлж өгч байна. Монгол Улсын Сангийн яам, Монголбанк хамтраад бондоо хөрвүүлэх ажлыг үргэлжлүүлэхээр ажиллаж байна.

-Хөрвүүлэх бондын хүү ямар байх талаар мэдээлэл өгөөч?

-Эдийн засгийн нөхцөл байдал улам сайжирч байгаа учир өнгөрөгч хавар гаргасан “Хуралдай” бондоос бага хүүтэй гаргахаар ажиллаж байна. Гагцхүү тухайн үеийн хөрөнгө оруулагчдын сонирхол, зуучлагч компаниудын хүчин чармайлтаас хамаарч хүү тогтоно.

-АХБ-ны 1.2 тэрбум ам.долларын санхүүжилт ОУВС-гийн хөтөлбөрийн санхүүжилтээс тусдаа хэрэгжих үү?

-ОУВС-гийн хөтөлбөрөөс тусдаа, АХБ бие даан өөрийн хөрөнгөөр санхүүжүүлэх төсөл хөтөлбөрүүд байна. Зөвхөн эдийн засгийн хүндрэлийг даван туулах бус цаашдаа урт хугацааны эдийн засгийн тогтвортой өсөлт, ажлын байр, жижиг дунд үйлдвэрлэл, эдийн засгийн төрөлжилт, дэд бүтэц гэсэн дунд хугацааны асуудлуудад илүү түлхүү чиглэгдэнэ.

-ОУВС-гийн хөтөлбөр болон АХБ-ны дээрх төсөл, хөтөлбөрүүд хэрэгжсэнээр эдийн засгийн өсөлт ирэх онд хэдэн хувьд хүрч болох төсөөлөл байна вэ?

-Өнгөрсөн оны хүндрэлтэй үеэ бид үндсэндээ даван туулж, 2017 онд 3-4 хувийн өсөлт ажиглагдах боломжтой болж байна. Манай улсын эдийн засаг гадаад, дотоод олон хүчин зүйлээс шалтгаалдаг. Монгол Улсын эдийн засаг хараахан бүрэн төрөлжилт рүүгээ ороогүй байна. Экспорт талдаа төрөлжилт ажиглагдаж байгаа ч экспортын 90 гаруй хувь нь түүхий эд хэвээрээ байна. Бид жилдээ 10 гаруй нэр төрлийн 5-6 тэрбум ам.долларын түүхий эд экспортод гаргаж байгаа нь том амжилт. Энэ оны эцсээр 6 тэрбум ам.долларт хүрэх найдлага байна. Гагцхүү ирэх онд энэ амжилт тогтвортой байх эсэх нь олон улсын байдлаас хамаарна. Вашингтонд болж буй олон улсын банк санхүүгийн байгууллагын хурлаас харахад дэлхийн эдийн засгийн байдал ерөнхийдөө өсөлтийн төлөвтэй байна. Хоёр хөршийн эдийн засаг хоёулаа нааштай байна. Өмнөд хөршийн эдийн засаг буцаад унах нь гэсэн эргэлзээтэй байсан ч сүүлийн жилүүдэд байнга 6.7-8 хувийн тогтвортой өсөлтөө хангаж чадаж байгаа. ОХУ-ын хувьд хэдийгээр олон улсын эдийн засгийн хоригтой байгаа ч эдийн засгийн өсөлт нь нааштай гарч, хүндрэлээ даван туулж, өсөлтийн замдаа орлоо гэсэн мэдээлэл хийж байна. Хөрш орны эдийн засгийн таатай байдал нь манай улсад таатай нөлөө үзүүлнэ. Гагцхүү экспортод саад болж буй дэд бүтцийн хүндрэлээс гарч чадвал ирэх жилийн эдийн засгийн өсөлт үүнээс ч илүү өндөр гарч, хөгжлийн замдаа орох бүрэн боломжтой.

ш.чимэг

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Lodoi 2017-10-16 66.181.160.32

Ormiin nam damjsan buleglel yls tord oirhon nohduud hurteed toloh bolhoor ard tumen toldog jishig togtood ydaj bn.Bayalgiin hyviarlaltiig hurteltei,shydarga bolgohgui bol hyvisgal garah magadlal ylam ondorsoj bn

Avatar

Зочин 2017-10-16 66.181.186.85

Гаднаас орж ирэх мөнгийг цохих маш нарийн ажиллагааг аль хэдийн бэлдчихсэн. Наанаа яг санхүүжилтийг нь хийгээд дэд бүтэц хөгжүүлээд байгаа юм шиг боловч анхнаасаа төлөвлөж байсан бүх тоног төхөөрөмж, барилгажилт дээр хамгийн хямд төсөр, чанаргүйг нь ашиглан босгочихдог. 1000 доллараар төсөвлөчихсөн байсныг нь хунхуузын хулхиар сольж 100 хан долларт л багтаачихна. Одоо ч хөлтэй болгон л замын бизнэс рүү орж байна. Аливаа тендер, элдэв хангай төслөөс зам дээр нь сууж байгаа түмшэдүүд 15-30 ийг цохино. Энэ мөнгө эргээд өрөнд, маш хэмжээний хүүнд л явна.

Avatar

Зочин 2017-10-16 43.242.243.150

Орж ирнэ гэж бичээч. Орж ирлээ гэхэд цөөн хэдэн хүн завшаад, төлбөрийг нь ард түмэн төлөх юм бол тийм зээл хэрэггүй ээ, орж ирэхгүй байсан нь дээр.

Avatar

Зочин 2017-10-16

Орж ирлээ гэж хэзээ орж ирсэн юм бэ

Avatar

Өр өр 2017-10-16 43.242.243.34

Өр өр өр, юун санхүүжүүлэлт.

Avatar

12 дэд бүтэцийн төсөл 2017-10-16 103.26.195.105

АХБ Монголд 328 сая ам.доллар өгч 12 дэд бүтэцийн төсөл хэрэгжүүлж эдийн засаг-тогтвортой хөгжлийг хангах юм байна. 12 төсөлийн жагсаалтыг мэдээлнэ үү. Үнэхээр сайн мэдээ байна. амжилт хүсье.

Avatar

Баагий 2017-10-16 203.91.115.36

Ганц цент ард түмэнд оногдох болов уу…

Avatar

Зочин 2017-10-16 66.181.160.105

Дарга нар маань хуваагаад цохьчихно биздээ. Ард иргэдэд хүрээлгүй дараа нь улсын өр хэдэн хувь нэмэгдсэн учир цалин энээ тэрээ нэмж болохгүй гэсэн тайлбартай хоцорно биз. Олон улсын мөнгө санхүүгийн байгуллагууд манай дарга нарыг маш их [Хориотой Үг] цадахаа мэдэггүй ховдог хүмүүс гэдгийг мэдмээр л юм.

Avatar

Зочин 2017-10-16 122.201.24.84

УРД НЬ ӨЛГИЙТЭЙ ХҮҮХЭД ӨРӨНД БАРИГДТАР ДОЛЛАР ОРЖ ИРСЭН. ТЭГЛЭЭ ГЭЭД БИДНИЙ АМЬЖИРГААНЫ ТҮВШИН УЛАМ ДОРДСООР БАЙГАА. ЭНЭ ЮУХЭЛЭЭД БАЙНА ВЭ. ?!!!

Avatar

худлаа мэдээлэл тараахын 2017-10-16 66.181.184.102

1.2 тэрбум чинь шууд ороод ирэх зүйл биш шүү дээ. Ирэх гурван жилийн хугацаанд хийх санхүүжилт. Орж ирлээ гээд худлаа сенсаацлах гээд ядчих юмаа!!!

Avatar

Зочин 2017-10-16 112.72.11.111

ОРХОН АЙМГИЙН ЦАГДААГИЙН ГАЗРЫН ДАРГААР АЖИЛЛАЖ

 БАЙСАН “ПАНЧО” Д.ЭНХБАЯР ГЭГЧ ХЭН БЭ.

 

 “Панчо” Д.Энхбаяр гэгч эрхэм нь Орхон аймгийн Цагдаагийн газрын даргаар томилогдоод хагас жил орчим ажилласан. Түүний хувьд нэг хэсэгтээл Орхон аймгийн Цагдаа нарыг ёстой [Хориотой Үг] алдуулж дарамталж байсан талаар тухайн үед нь хамт ажиллаж байсан хүмүүс ам уралдан ярих болов. Мөн ажлаа авсан даруйдаа өөрийн байр суурийг бэхжүүлэх, нөлөөллөө нэмэгдүүлэх зорилгоор аймгийнхаа засаг даргаас эхлээд эрх мэдэл бүхий албан тушаалтнуудыг цагдаа нараараа өдөр шөнөгүй дагаж мөрдүүлэн хувиараа тагнуулын ажиллагаа явуулж, тэдний баримт фактыг цуглуулахаас гадна замын цагдаагаараа шалгуулж журамлуулж байсан гэдэг.

Ийм маягаар тэднийг дарамтлах замаар хувьдаа 3 өрөө байр, ланд крузер 200 автомашин авхуулсан. Гэвч энэ бүхэн бол бага бөгөөд “Панчо”-ийн Орхон аймагт томилогдсон цаад зорилго нь зүгээргүй С.Зоригийн хэрэгтэй холбоотой бүх талын “материал”-ыг цуглуулж УИХ-ын дэд дарга Ц.Нямдожид дамжуулах байсан бөгөөд энэ ажлаа ч амжилттай хэрэгжүүлсэн  байна. Мөн тэрээр нэг хэсэг түүний оронд ирэхээр маш хүчтэй яригдаж байсан “Зааны тугал” гэгч цагдаагийн хурандаа Г.Эрдэнэбатыг уг хэрэгтэй хольж хутган замаасаа зайлуулж нэг хэсэгтээ л шуугиж байсан. “Зааны тугал” гэгчийн хувьд өмнө нь Орхон аймгийн Цагдаагийн газарт олон жил ажиллаж байсан их нэр хүндтэй, чадварлаг нэгэн бололтой.  Д.Энхбаяр нь дан ганц мэргэжил нэгт “Зааны тугалаа” биш бас давхар Хууль сахиулах их сургуулийн захирал С.Баатаржавыгаа мөн Цагдаагийн газрын даргын “мест” дээр яригдаж байх үед түүнийг муулж, гөрж явсан сурагтай. Мөн үүнээс гадна Цагдаагийн Ерөнхий газрын тэргүүн дэд дарга П.Батбаатар комиссарыг Ц.Нямдорж гишүүнд муулж ажлаас нь мулталж оронд нь очих гэж байгаа хэмээн гадуур ярьж архи ууж яваа бололтой. Харин хамгийн сүүлд тэрээр ШШГЕГ-т ажилладаг Ядмаа гэгч хурандаа цолтой нэгнээс мэдээлэл авч тэрийгээ мөн адил Ц.Нямдоржид өгч “б**с” долоогч хийж байгаа сурагтай. Тэр Ядмаа гэгч тангараг өргөсөн хурандаа хүн “согтуу” байх даа Панчо Д.Энхбаярын бүх булхиаг ярьсан бололтой

 

 

NewsMN Гар утасны хувилбар Татах
NEWS.mn

Мэдээллийн эх сурвалж