НӨАТ-ын урамшууллын 2017 оны аравдугаар сарын сугалааны тохирол энэ сарын 22-ны ням гаригт болох аж. Азтан шалгаруулах үйл явцыг “Боловсрол” телевизээр орон даяар шууд дамжуулах юм байна.

Иргэн та 2017 оны есдүгээр сарын 1-30-ны өдөр хүртэлх хугацаанд худалдан авалт хийсэн баримтаа 2017 оны 10 дугаар сарын 21-ний өдрийн 23:59 цагаас өмнө Цахим төлбөрийн баримтын системд бүртгүүлснээр НӨАТ-ын урамшууллын сугалаанд хамрагдах боломжтой болох юм.

Онцлоход, өнгөрсөн наймдугаар сард сугалаагааны тохирлоор дараах тооны иргэд азтан болсон юм.

20 мянган төгрөгийн азтан-13,000,

100 мянган төгрөгийн азтан-1,330,

500,000 төгрөгийн азтан-130,

Дөрвөн сая төгрөгийн азтан-19 ,

20 сая төгрөгийн азтан-1,

100 сая төгрөгийн азтан-1 тодорч нийт 14,481 хүн азтан болсон билээ.

Г.ХОРОЛ