Үхрийн цул мах 8325 төгрөг байна | News.MN

Үхрийн цул мах 8325 төгрөг байна

Хуучирсан мэдээ: 2017.10.15-нд нийтлэгдсэн

Үхрийн цул мах 8325 төгрөг байна

Чуулганы нэгдсэн хуралдааныг өнөөдөр 10.00 цагаас зарласан байна. Тус хуралдаанаар доорхи асуудлыг хэлэлцэхээр товложээ.

Үндэсний статистикийн хорооны Эдийн засгийн статистикийн хорооноос гаргасан мэдээгээр хүнсний гол нэрийн бүтээгдэхүүний үнэ тогтворгүй байна.

Энэ сарын 11-ний байдлаар гол нэрийн барааны үнийг өмнөх сартай харьцуулахад 2.0 хувиар буурсан ч өмнөх 7 хоногтой харьцуулахад 0.2 хувиар өссөн байна. Дэлгэрэнгүй мэдээллийг хүргэе.

Махны дундаж үнэ: Хонины ястай махны үнэ өмнөх сараас 4.8 хувь, үхрийн ястай махны үнэ 3.9 хувь, үхрийн цул махны үнэ 0.6 хувь, ямааны ястай махны үнэ 4.5 хувь, адууны ястай махны үнэ 3.6 хувиар буурсан байна. Өмнөх 7 хоногтой харьцуулахад үхрийн ястай махны үнэ 0.4 хувиар буурч, үхрийн цул махны үнэ 1.1 хувиар өсөж, бусад махны үнэ өөрчлөлтгүй байна. Үнийг нь тодруулбал, 1 кг хонины /ястай/ мах дунджаар 5910 төгрөг, үхрийн /ястай/ мах 6970 төгрөг, үхрийн цул мах 8325 төгрөг, адууны /ястай/ мах 5025 төгрөг, ямааны /ястай/ мах 4235 төгрөгийн үнэтэй байв.

Гурилын үнэ: Гурилын үнийг өмнөх сарынхтай болон өмнөх 7 хоногтой харьцуулахад өөрчлөлтгүй байна.

Будаа, элсэн чихрийн дундаж үнэ: Цагаан будааны үнэ өмнөх сарынхтай харьцуулахад 0.4 хувиар өсч, өмнөх 7 хоногийнхтой харьцуулахад өөрчлөлтгүй байна. Элсэн чихрийн үнэ өмнөх сарынхтай харьцуулахад 0.3 хувиар өсч, өмнөх 7 хоногийнхтой харьцуулахад өөрчлөлтгүй байна.

Төмс, хүнсний ногооны дундаж үнэ: Төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ 3.1 хувь, луувангийн үнэ 21.9 хувь, байцааны үнэ 0.6 хувь, сонгины үнэ 0.9 хувиар буурч, хүрэн манжингийн үнэ өөрчлөлтгүй байна. Өмнөх 7 хоногийнхтой харьцуулахад төмс, хүнсний ногооны үнэ өөрчлөлтгүй байна.

Сүү, өндөг, ургамлын болон цөцгийн тосны дундаж үнэ: Сүүний үнийг өмнөх сарынхтай харьцуулахад задгай сүүний үнэ 1.8 хувиар буурч, “Элекстер” /0.5 литрийн/ сүүний үнэ 0.8 хувь, савласан /1 литрийн/ сүүний үнэ 4.2 хувиар өссөн байна.

Өмнөх 7 хоногийнхтой харьцуулахад “Элекстер” /0.5 литрийн/ сүүний үнэ 1.6 хувь, савласан /1 литрийн/ сүүний үнэ 3.5 хувиар өсч, задгай сүүний үнэ өөрчлөлтгүй байна. Өндөгний үнэ өмнөх сарынхтай харьцуулахад 0.4 хувиар буурч, өмнөх 7 хоногийнхтой харьцуулахад өөрчлөлтгүй байна. Ургамлын тосны үнэ өмнөх сарынхаас болон өмнөх 7 хоногийнхоос өөрчлөлтгүй байна. Цөцгийн тосны үнэ өмнөх сарынхтай болон өмнөх 7 хоногийнхтой харьцуулахад өөрчлөлтгүй гарчээ.

Г.ХОРОЛ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2017-10-15 202.70.46.208

hudlaa medee bna

Avatar

Зочин 2017-10-15 49.0.140.79

Хүчит шонхор дээр 10 сарын 16-нд үхрийн ястай мах 3500-3700, хонины гулууз мах 2700 төгрөг байна лээ.

Avatar

Зочин 2017-10-15 66.181.179.27

АРАЙ БОДИТ ҮНЭ БИЧЭЭЧ ЭЭ. ШАЛ ХУДЛАА ТОО БАЙНА. ХОНИНЫ ЯСТАЙ МАХ ГЭХЭД ХАА САЙГҮЙ ЖИЖИГЛЭНГЭЭР 5000 ТӨГ, ТҮҮНЭЭС ДООШ ОРЧИХСОН БАЙНА

Avatar

иргэн 2017-10-15

Мал их өссөн дагаад махны үнэ өсөх нь аргагүй биз,ингээд бодохоор мал өссөний ашиг тус гэж алга.

NewsMN Гар утасны хувилбар Татах
NEWS.mn

Мэдээллийн эх сурвалж