Залуусын сонирхлыг татдаг “K-Cover dance” тэмцээн маргааш буюу аравдугаар сарын 15-нд 13.00 цагаас “Улаанбаатар палас”-ын концертийн их танхимд болох гэж байна.
“K-Cover Dance” тэмцээний дараа 15.00 цагаас “Пёнчан-2018” өвлийн олимпийн танилцуулах арга хэмжээний тоглолт болох ба тоглолтод БНСУ-ын топ стар Сонгхүн, “The King” хамтлаг болон тус байгууллагын элч дуучин С.Гантогоо нар оролцоно.
“Ай Эйч Си” компани 2011 оноос “K-Cover dance” тэмцээнийг зохион байгуулж эхэлсэн ба БНСУ-д тэтгэлгээр суралцах боломж, зөөврийн комьпютр гэх мэт шагналын сантай, Монголын өсвөр үе залуучуудад зориулсан арга хэмжээ болдог.
Тэмцээний ивээн тэтгэгчээр Өмнөд Солонгосын олон улсын их сургууль болон БНСУ-ын нуруу нугасны нэгдсэн эмнэлэг оролцож байна. Мөн БНСУ-ын Аялал жуулчлалын төрийн өмчит корпорацийн Монгол дахь төлөөлөгчийн газар хамтран зохион байгуулж байгаа юм.
Б.ЭНХ