“Global IT Challenge-2017” тэмцээнд амжилттай оролцлоо | News.MN

“Global IT Challenge-2017” тэмцээнд амжилттай оролцлоо

Хуучирсан мэдээ: 2017.10.13-нд нийтлэгдсэн

“Global IT Challenge-2017” тэмцээнд амжилттай оролцлоо

Сүүлийн үед дэлхийн кино сонирхогчдыг байлдан дагуулж байгаа Америкийн найруулагч Эрик Дарнелийн “Madagascar-3” 3D кино 6 сая еврогийн ашгаар UK “box office”-ыг энэ долоо хоногийн эхээр тэргүүлж эхэлжээ.

НҮБ-ын ‘Хөгжлийн бэрхшээлтэй хүмүүсийн эрхийн тухай конвенц’-ийн 9 дүгээр зүйл ‘Хүртээмж’ бүлэгт Мэдээлэл, харилцаа холбооны үйлчилгээ, технологи нь хот хөдөө хаана ч нийтэд хүртээмжтэй байхад чиглэсэн зохих арга хэмжээг авах тухай заасан байдаг.

Ази, номхон далайн бүс нутаг дахь Хөгжлийн бэрхшээлтэй иргэдийн “ЭРХИЙГ БОДИТ БОЛГОЁ” Инчоны стратегийн Зорилго 3-д “Мэдээлэл, харилцаа холбооны хүртээмж ба ашиглах нөхцөлийг сайжруулах” зорилтын хүрээнд 2017 оны 05 сарын 01-ний өдөр үндэсний хэмжээнд хөгжлийн бэрхшээлтэй хүүхэд, залуусын дунд “Мэдээллийн технологийн сорил-Монгол” улсын уралдааныг анх удаа Сэргээн Засалт, Сургалт Үйлдвэрлэлийн Төв зохион байгуулсан билээ.

Уг тэмцээнд оролцогчдоос шалгарсан Хэнтий аймгийн Тэмүүжин цогцолборын 11 ангийн сурагч Ганбаатар овогтой Цолмон-Од, Сэргээн Засалт, Сургалт Үйлдвэрлэлийн Төвийн Мэргэжлийн боловсрол ур чадвар олгох сургуулийн суралцагч Болдсайхан овогтой Отгон-Эрдэнэ, Төгсдэлгэр овогтой Төгсжаргал, 116-р тусгай сургуулийн сурагч Алтангэрэл овогтой Лхамсүрэн нар нь 2017 оны 09 сарын 17-ны өдрөөс 20-ны өдрүүдэд Бүгд Найрамдах Вьетнам улсад зохион байгуулагдсан олон улсын “GLOBAL IT CHALLENGE-2017” тэмцээнд амжилттай оролцоод эх орондоо ирлээ.

“GLOBAL IT CHALLENGE-2017” мэдээллийн технологийн уралдаанд Ази, Номхон далайн бүсийн 17 орны 25 багийн нийт 100 гаруй хөгжлийн бэрхшээлтэй хүүхэд, залуучууд оролцож өрсөлдсөн ба манай баг тамирчид өөрсдийн ур чадвар, авьяас, мэдлэгээ дайчлан оролцлоо. Манай багийн гаргасан амжилтыг дурдвал:

  1. Монголоос оролцогч Г.Цолмон-Од тэмцээний Ганцаарчилсан төрөл болох е-Tool challenge-д тэргүүн байр буюу алтан медаль, e-Life Map challenge-д дэд байр буюу мөнгөн медаль тус тус хүртлээ.
  2. Багийн төрөлд Монголын баг амжилттай оролцлоо.
  3. Монголын баг урлагийн үзүүлбэрээр 3-р байранд орлоо.
  4. Багийг тэргүүлж явсан МБУЧОС-ийн эрхлэгч Б.Алтмаагийн “Мэдээллийн технологийн уралдааныг эх орондоо зохион байгуулсан туршлага” илтгэл “BEST PRACTICE” илтгэлээр шалгарлаа.

Багийн нийт гишүүдэд халуун баяр хүргэхийн хамт хүүхэд залуусаа бэлтгэн, дадлагажуулж ажилласан МБУЧОС-ийн багш Л.Отгон түүнчлэн СЗСҮТ-ийн нийт хамт олондоо талархал илэрхийлье.

Эх сурвалж: БСШУСЯ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

ӨМХИЙ ҮНЭРТЭЙ БӨХӨНЦӨР 2017-10-13 202.179.27.214

ДААНЧ ЗУУРАЛДДАГ БӨХӨНЦӨРҮҮД БИШ ЮМ ДАА.ТҮҮНЭЭС ЕРӨНХИЙЛӨГЧ ГАДУУРХАЖ МЭДЭХГҮЙ ӨНГӨРӨХГҮЙ БАЙСАН

NewsMN Гар утасны хувилбар Татах
NEWS.mn

Мэдээллийн эх сурвалж