“Эгшиглэнт чимээ” дэлхийд гарсан уу? | News.MN

“Эгшиглэнт чимээ” дэлхийд гарсан уу?

Хуучирсан мэдээ: 2017.10.12-нд нийтлэгдсэн

“Эгшиглэнт чимээ” дэлхийд гарсан уу?

“Эгшиглэнт чимээ” дэлхийд гарсан уу?

“Авьяаслаг монголчууд” шоуны анхны ялагч, 100 сая төгрөгийн эзэд “Эгшиглэнт чимээ” хамтлаг.  Авьяаслаг багшийн адтай шавь нар мод, чулуу, төмөр, шил, барилгын материалаар ‘хөгжимдөн’ Монголын үзэгчдийг байлдан дагуулж байснаас хойш хоёр жил өнгөрчээ. Байгаль өөрөө хөгжимчин. Түүний ая эгшгийг бидэнд ‘дамжуулан’ хүргэсэн өхөөрдөм бяцхан жаалууд өдийд хаана юу хийж яваа бол. Хамтдаа хөгжимдсөөр яваа болов уу. Аль эсвэл даль жигүүрээ дэлгэн нисээ болов уу. Ингээд хамтлагийн багш, Монгол Улсын Гавьяат жүжигчин С.Жамъяанхорол гуайтай утсаар холбогдлоо.


-Та сайхан намаржиж байна уу. Би ‘News’ агентлагаас ярьж байна. Танай хамтлагийнхан сайн уу, та багшийнхаа ажлыг хийж байгаа юу?

-Сайн. Сайхан намаржиж байна. Би Дархан хотдоо багшийнхаа ажлыг хийж байгаа. Одоо сурагчдын нэгдүгээр ээлжийн амралт эхлэхээр гавьяаныхаа амралтыг авна даа. 

-“Эгшиглэнт чимээ” хамтлагийн бүрэлдэхүүнд өөрчлөлт орсон уу. Одоо хэчнээн хүүхэдтэй ажиллаж байна вэ?

-Манай хамтлаг одоо  45-уулаа болсон. “Авьяаслаг монголчууд” шоунд 35 хүүхдийн бүрэлдэхүүнтэй анх орсон. Жил ирэх тусам л хамтлаг маань улам өргөжсөөр байна. 

-Хамтлагийнхаа уран бүтээлийн сонин сайхнаас хуваалцаач. Та хэд дэлхийд хөл тавив уу?

-Хамтлагийнхан маань одоогоор ганц нэг шинэ уран бүтээл дээр ажиллаж байна. Монголын томоохон хөгжмийн зохиолчид болох Н.Жанцанноров, Б.Шарав нарын сор уран бүтээлээс олон түмэнд хүргэх зорилготой байгаа. Бид шоуны дараагаар олон газар очиж, тоглолт хийсэн. Өнгөрсөн жилийн дөрөвдүгээр сард “Эгшиглэнт чимээ” хамтлаг анхны бие даасан тоглолтоо “UB palace”-ын концертын их танхимд хийсэн шүү дээ.

-“Эгшиглэнт чимээ” хамтлагийнхан том болсон байх. Хамгийн бага нь хэддүгээр ангид сурч байгаа бол?

-Хүүхдүүд маань том болсон. Хамтлагийн хамгийн бага гишүүн нь гуравдугаар ангид сурч байна. Хамгийн том нь есдүгээр ангид суралцдаг. Өмнө нь манай хамтлагаас төрөн гарсан 10 гаруй хөгжимчин, дуу хөгжмийн багш мэргэжилтэй залуус бий. “Авьяаслаг монголчууд” шоуны дараа олон эцэг, эх манай хамтлагт хүүхдээ оруулахаар дагуулж ирсэн. 

-Таныг 40 гаруй төрлийн 400 гаруй хөгтэй хөгжмийн зэмсгийг өөрөө хийж урласан гэж дуулсан. Сүүлд шинээр хөгжим хийв үү?

-Би “Авьяаслаг монголчууд” шоунаас хойш 50 төрлийн 700 орчим хөгтэй болсон шүү дээ. Шинээр олон хөгжим хийсэн. 

-Шоунаас хожсон 100 сая төгрөгөө хэрхэн зарцуулав. Тухайн үедээ хамтлагийн хүүхдүүдэд хадгаламж нээлгэсэн гэж байсан? 

-Хүмүүс дандаа мөнгө, төгрөг асуух юм.  Миний хувьд хамтлагийнхаа хүүхдүүдийг 18 нас хүрэхэд 50, 50 сая төгрөгтэй болгохоор ‘Голомт’ банкинд хадгаламж нээсэн. Зарим эцэг, эхчүүд өдөртөө, сарын дараагаас амьдралын шаардлагаар авсан ч тохиолдол бий. Хүүхэд бүрийн амьдрал харилцан адилгүй шүү дээ. 

-Танд хувь хүн 60 сая төгрөг өгнө гэж хэвлэлээр шуугиж байсан. Тэр хүн 60 сая төгрөг өгсөн үү?

-Тэр худлаа мэдээлэл байсан. Монголын ард түмэн 60 сая төгрөг авсан гэж худлаа мэдээлэл бичиж, олон нийтэд тараасан. Тухайн үедээ миний нэрээр нэр төрөө өсгөөд л чимээгүй болсон. Тэр бол худлаа мэдээлэл шүү. Надад 60 сая төгрөг өгөөгүй.


 

15 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2017-10-12

мөнгө мөнгө л гээд яасан ч увай муутайхан асуулт вэ

Avatar

Зочин 2017-10-12 202.179.27.56

Ene bagsh bol jinhene bagsh

Avatar

Зочин 2017-10-12 43.242.243.83

Сайхан хариулжээ. Амжилт. Ишш тэр 100 саяд бидний сүнс хоргодсон шиг байна.

Avatar

Зочин 2017-10-12 103.9.88.147

** Batsaaanuud

Avatar

Зочин 2017-10-12 66.181.178.248

Угаасаа энэ багшийг Дарханыхан андахгүй. Хүүхдийн төлөө маш их зүйл хийсэн. Хөгжмөөр дамжуулан туйлын зөв хүмүүжилтэй болсон. Эдгээр хүүхдүүдээс ирээдүйн төр баригч нар, эрдэмтэн судлаачид төрнө гэдэгт итгэлтэй байна. Монголчууд бид нэгдэх хэрэгтэй. Бид энэ улсын эзэд.

Avatar

Soongo 2017-10-12 66.181.176.218

Хийсэн юм нь нүднээ ил байхад энэ багшийг яах гэж оролддог байна аа, хүүхдээр бизнес хийдэг гэж нэг хүн коммент бичсэн байна, тэгээд энэ мундаг авъяасыг хэн тоглох уу, нохой тоглох юм уу, тэнэг атаархуу монголчууд, мундаг багш, худлаа атаархаад байхаар энэ багшийн дайны юм гаргаж ирээд өрсөлдөөч, чадахгүй дуракууд л атаархаж элдвийн яриа гаргадаг байх, 60 сая байтугай, 600 саяыг авсан ч яадагийн, хийсэн юм нүднээ ил байна хөөе

Avatar

зочин 2017-10-12 43.242.243.48

Багшдаа баярлалаа тэр жаран сая төгрөг амалсан нөхөр өгөөчээ хүнийг хуурах хамгийн муу нүгэл гэж мэдэх үү та урт наслаж удаан жаргаарай.

Avatar

Зочин 2017-10-12 122.201.22.240

Тэр худалчаас битгий горьд.Сайхан сэтгэл хүн чанар таны баялаг.Хүүхдийн сайхан энeргийн хүчээр жаргаж амьдарна.

Avatar

Зочин 2017-10-12 112.72.15.66

jinhene bagsh hun tand eruul enh az jargal husei

Avatar

Зочин 2017-10-12 66.181.187.64

ХҮҮХДЭЭР БИЗНЕС ХИЙГЧИД

Avatar

naruto 2017-10-12 43.228.129.65

авсан байсан ч яадгийн. багшийн хичээл зүтгэл маш их шүү дээ. дэмий юм ярих гэж

Avatar

Зочин 2017-10-12 182.160.34.254

хэн тэгэж хуцлаа? [Хориотой Үг] зулаагийн нөхөр швейцарь отгоо билүү?

Avatar

Зочин 2017-10-12 103.229.120.27

Яг тийм

Avatar

Зочин 2017-10-12 103.229.122.64

Tamirchidiig nasan tursh ni tetgej baikhaar iim khvmvvsiig l nasan tursh ni tetgej baimaar yum Kharakhaas daruukhan ikh khudulmurch saikhan khvn

Avatar

Зочин 2017-10-12 202.21.100.210

Ардын багш

NewsMN Гар утасны хувилбар Татах
NEWS.mn

Мэдээллийн эх сурвалж