МАН-ын удирдах зөвлөл өнөөдөр 09.00 цагт хуралдана. Удирдах зөвлөлийн хурлаар У.Хүрэлсүхийн танхимд хэн хэн орж ажиллах вэ гэдэг асуудлыг хэлэлцэх юм. Түүний дараа УИХ дахь МАН-ын бүлэг хуралдахаар болжээ.

Бүлгийн хурлын араас УИХ-ын чуулганы нэгдсэн хуралдааныг зарлаж, шинээр сонгогдох сайд нарыг хэлэлцэхээр төлөвлөөд байгаа аж.

МАН-ын ерөнхий нарийн бичгийн дарга Д.Амарбаясгалангийн өчигдөр мэдээлснээр Засгийн газрын бүрэлдэхүүнд багтахаар намын удирдлагын түвшинд ойлголцсон 14 сайд бий гэнэ. Эдгээр сайдыг МАН-ын УЗ болоод МАН-ын бүлгийнхэн зөвшөөрөх эсэхийг өнөөдөр шийдэх юм. Ойлголцолд хүрсэн сайд нарын нэрс:

• Монгол Улсын Шадар сайд Ө.Энхтүвшин
• Батлан хамгаалахын сайдад Н.Энхболд
• Монгол Улсын Засгийн газрын хэрэг эрхлэх газрын даргад Г.Занданшатар
• Гадаад харилцааны сайдад Д.Цогтбаатар
• Хууль зүй, дотоод хэргийн сайдад Ц.Нямдорж
• Сангийн сайдад Ч.Хүрэлбаатар
• Байгаль орчин, аялал жуулчлалын сайдад Н.Цэрэнбат
• Боловсрол, соёл, шинжлэх ухаан, спортын сайдад Ц.Цогзолмаа
• Эрчим хүчний сайдад Ц.Даваасүрэн
• Зам тээврийн хөгжлийн сайдад Ж.Бат-Эрдэнэ
• Уул уурхай, хүнд үйлдвэрийн сайдад Д.Сумъяабазар
• Хүнс хөдөө аж ахуй, хөнгөн үйлдвэрийн сайдад Б.Батзориг
• Эрүүл мэндийн сайдад Д.Сарангэрэл
• Нийгмийн хамгаалал, хөдөлмөрийн сайдад С.Чинзориг

Т.НОМИН